· Ana səhifə

· Rəsmi

· Heydər Əliyev Fondu

· Əmrlər, sərəncamlar

· Təhsil Nazirliyində

· Xəbərlər

· Pedaqoji yazılar

· Məktəblərimiz


· Bizimlə əlaqə


B.e ç.a ç. C.a C. Ş. B.
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 

 

Azərbaycan Prezidenti İlham Əliyev YUNESKO-nun Baş direktoru Koişiro Matsuuranı qəbul etmişdir

Azərbaycan Respublikasının Prezidenti İlham Əliyev mayın 14-də Prezident sarayında YUNESKO-nun baş direktoru Koişiro Matsuuranı qəbul etmişdir.

Görüşdə Azərbaycanla YUNESKO arasında əlaqələrin yüksək səviyyədə olduğu, ölkəmizdə bu təşkilatın xətti ilə keçirilən uğurlu tədbirlərin əməkdaşlığın daha da genişlənməsinə töhfə verdiyi bildirildi. Cənab Koişiro Matsuura ilə Azərbaycan Prezidenti arasında keçirilən səmərəli görüşlərin əlaqələrin daha da möhkəmlənməsi baxımından əhəmiyyəti vurğulandı və əməkdaşlığın bundan sonra da dərinləşəcəyinə əminlik ifadə olundu.

AzərTAc

"TƏHSİLƏ QOYULAN VƏSAİT öLKƏMİZİN GƏLƏCƏYİNƏ 

QOYULAN VƏSAİTDİR"

İndi biz faktiki olaraq, Azərbaycanda bütün məktəb infrastrukturunu yeniləşdiririk. İndiyədək 800-ə yaxın məktəbin tikilməsi və gələcək illərdə yüzlərlə məktəbin tikintisi - bu, məktəb sahəsinin maddi-texniki bazasının yeniləşdirilməsini, təhsilin keyfiyyətini də, avadanlıqla təchizatı da təmin edir. Eyni zamanda, hesab edirəm ki, indi vaxt gəlib ki, biz mövcud məktəblərin təmirinə də daha çox vəsait ayıraq. çünki buna da böyük ehtiyac var, xüsusilə, Bakı şəhərində. Yəqin ki, bu il, gələn il Bakı şəhərində yerləşən bütün məktəblərin istilik təchizatı problemləri həll olunmalıdır. Bu, həll ediləcəkdir. Ondan sonra bütün başqa şəhər və rayonlarda da biz bunu həll etməliyik və mövcud məktəbləri də çox gözəl səviyyəyə gətirib çıxarmalıyıq.

Bu sahədə vəsaitə qənaət etməməliyik. çünki təhsilə qoyulan vəsait ölkəmizin gələcəyinə qoyulan vəsaitdir. Bütün inkişaf etmiş ölkələrin uğurlarının səbəbi də məhz ziyalı təbəqəsidir, elmi-texniki tərəqqidir, texnoloji yeniliklərdir. Biz də bu yolu seçmişik. İstəyirik ki, bizim insanlarımız, gənc nəsil bilikli, savadlı olsun və ölkəmizin inkişafında çox böyük rol oynasınlar.

 Prezident İlham Əliyevin sədrliyi ilə keçirilən Nazirlər Kabinetinin ilin birinci rübünün yekunlarına həsr edilmiş iclasındakı nitqindən.

 

Azərbaycan Respublikasının Prezidenti İlham Əliyev Bakının Binə qəsəbəsində yenidən qurulmuş uşaq bağçasının açılışında iştirak edib

 

Mayın 9-da Bakının Əzizbəyov rayonunun Binə qəsəbəsində Heydər Əliyev Fondunun dəstəyi ilə yenidən qurulmuş uşaq bağçası istifadəyə verilmişdir.

Mərasimə toplaşanlar Azərbaycan Prezidenti İlham Əliyev və xanımı Mehriban Əliyevanı böyük səmimiyyətlə qarşıladılar.

1970-ci ildə tikilmiş, lakin sonralar yararsız vəziyyətə düşmüş binanın təmirinə bir il bundan əvvəl baslanmışdı. 300 uşaq üçün nəzərdə tutulmuş bağçada məktəbəqədər hazırlıq qrupları da fəaliyyət göstərəcəkdir.

 

Bakıda "Avropada subregional çərçivədə savadlılıq problemlərinə baxış: tərəfdaşlıq əlaqələrinin qurulması və innovativ yanaşmaların tətbiqinə dəstək" mövzusunda YUNESKO-nun regional konfransı başlanmışdır

AzərTAc xəbər verir ki, mayın 14-də Bakının "Gülüstan" sarayında Dünyada Savadlılığın Dəstəklənməsi üzrə YUNESKO-nun Regional Konfransları silsiləsindən "Avropada subregional çərçivədə savadlılıq problemlərinə baxış: tərəfdaşlıq əlaqələrinin qurulması və innovativ yanaşmaların tətbiqinə dəstək" mövzusunda konfransı başlanmışdır.

YUNESKO-nun, Heydər Əliyev Fondunun və respublika Təhsil Nazirliyinin təşkilatçıları olduğu konfrans Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyevanın təşəbbüsü ilə Azərbaycanda keçirilir.

YUNESKO-nun regional konfransı haqqında media mənsublarına açıqlama verilir

Mayın 14-də "Gülüstan" sarayında həmin gün işə başlayan "Dünyada Savadlılığın Dəstəklənməsi" üzrə YUNESKO-nun regional konfransına həsr olunmuş mətbuat konfransı keçirildi.

YUNESKO Baş direktorunun təhsil üzrə müavini Nikolas Börnet, ömürboyu təhsil üzrə YUNESKO Beynəlxalq İnstitutunun direktoru Adama Ouen, BMT-nin təhsil prioritetləri üzrə bölməsinin rəhbəri Mark Riçmond və YUNESKO-nun sözçüsü xanım Su Uilyamsın iştirak etdikləri mətbuat konfransını Azərbaycan Respublikasının təhsil naziri Misir Mərdanov açaraq bildirdi ki, YUNESKO-nun "Dünyada Savadlılığın Dəstəklənməsi" üzrə konfransı Bakıda Heydər Əliyev Fondunun prezidenti, millət vəkili Mehriban xanım Əliyevanın təşəbbüsü ilə təşkil olunub.

YUNESKO-nun Baş direktoru regional konfransın yüksək səviyyədə təşkilindən razılıq etdi

YUNESKO-nun "Dünyada Savadlılığın Dəstəklənməsi" üzrə regional konfransında iştirak edən bu qurumun Baş direktoru cənab Koişiro Matsuura mayın 15-də "Hyatt Regency" otelinin Quba zalında mətbuat  konfransı  keçirdi.

Konfransı Azərbaycan Respublikasının təhsil naziri Misir Mərdanov açaraq qonaqları və KİV nümayəndələrini salamladı. Nazir YUNESKO-nun belə nüfuzlu tədbirinin Azərbaycanda ilk dəfə keçirildiyini və cənab Koişiro Matsuuranın onda iştirakını xüsusi qeyd edib, bunu ölkəmizə göstərilən etimad kimi dəyərləndirdi. YUNESKO ilə Azərbaycan arasında səmərəli əməkdaşlıq əlaqələrinin mövcud olduğunu, nüfuzlu beynəlxalq qurumun dəstəyi ilə ölkəmizin təhsil sistemində bir sıra irimiqyaslı layihələr həyata keçirildiyini vurğulayan Misir Mərdanov buna misal olaraq ölkəmizdə inklüziv təlim sahəsində görülən işləri, ali məktəblərin bir neçəsində YUNESKO kafedralarının fəaliyyət göstərməsini,  peşə  təhsili  ilə  bağlı  əldə olunmuş razılaşmanı qeyd etdi.

"Dünyada Savadlılığın Dəstəklənməsi" üzrə YUNESKO-nun regional konfransında

 

YUNESKO-nun "Avropada subregional çərçivədə savadlılıq problemlərinə baxış: tərəfdaşlıq əlaqələrinin qurulması və innovativ yanaşmaların tətbiqinə dəstək" mövzusunda regional konfransının ikinci iş gününün iclasları mayın 15-də "Hyatt Regency" otelinin Quba zalında keçirildi.

 öz işini "dəyirmi masa" təqdimatları və müzakirələr formasında davam etdirən konfransın həmin günkü səhər iclası "Müasir dünyada savad konsepsiyası, onun inkişafı və yaşlıların təlimi" mövzusunun müzakirəsinə həsr olunmuşdu.

Liseydə Heydər Əliyev guşəsi

Mayın 12-də P.B.Hüseynov adına 6 nömrəli Bakı Peşə Liseyində ulu öndərin 85 illik yubileyi münasibətilə yaradılmış "Heydər Əliyev guşəsi"nin açılışı ilə əlaqədar geniş tədbir keçirildi. Toplantıda Təhsil Nazirliyinin şöbə müdiri Namiq Məmmədov, Yeni Azərbaycan Partiyası Binəqədi rayon şöbəsinin sədri Nəbi Xəlilov, Binəqədi RİH-nin nümayəndəsi İlqar Pənahov, məclisə dəvət almış digər qonaqlar, liseyin müəllim və şagird kollektivi iştirak edirdilər.

 

Liseyin vestibülü önündə düzənlənmiş şagirdlərə farağat komandası verən məktəbin hərbi geyimli, gənclərin çağırışaqədərki hazırlığı rəhbəri, kapitan Xudaverdi Həsənov qonaqlara və məktəb rəhbərliyinə raport verərək tədbirin keçirilməsinə hazır olduqlarını bildirdi. Bundan sonra Azərbaycanın Dövlət himni səsləndirildi. Ulu öndər Heydər Əliyevin xatirəsi bir dəqiqəlik sükutla yad edildi.

Görkəmli təhsil və sənət ocağı

Musiqi mədəniyyətimizin təşəkkülü və inkişafında, professional musiqi təhsilinin yaranmasında, son yüz ildə milli musiqimizin korifeyləri sırasına yüksəlmiş onlarca sənətkarın yetişməsində əsası XIX əsrin sonlarında qoyulmuş, XX əsrin ilk onilliklərində böyük üzeyir Hacıbəyov dühası ilə pərvəriş tapmış Azərbaycan Milli Konservatoriyası nəzdində Musiqi Kollecinin (keçmiş Asəf Zeynallı adına musiqi məktəbi) böyük rolu olmuşdur. Bu günlərdə yaranmasının 110 illiyi musiqi ictimaiyyətimiz, bütövlükdə Azərbaycan xalqı tərəfindən təntənə ilə qeyd olunan Musiqi Kolleci mövcud olduğu illər ərzində professional musiqi sənətimizin milli zəmin əsasında inkişafı, yeni-yeni bəstəkar, ifaçı, pedaqoqlar nəslinin yetişməsində misilsiz xidmətlər göstərməklə mədəniyyət tariximizdə özünə şərəfli yer tutmuşdur.

Mərkəzləşdirilmiş qaydada imtahan verən şəhər və rayonların ümumtəhsil məktəbləri və peşə liseyləri direktorlarının nəzərinə

2007-2008-ci dərs ilində orta təhsil kursu üzrə mərkəzləşdirilmiş qaydada buraxılış imtahanı verən şagirdlərin imtahan verdiyi fənlər üzrə attestata yazılacaq yekun qiyməti 6 iyun 2008-ci il tarixində səkkiz fənn üzrə verəcəkləri imtahan qiyməti əsas götürülməklə və şagirdlərin həmin fənlər üzrə X və XI sinif illik qiymətləri, noyabr, fevral və aprel aylarında keçirilmiş yoxlama (sınaq) imtahanlarında aldığı qiymətlər nəzərə alınmaqla, Təhsil Nazirliyi tərəfindən müəyyən olunur.

Uşaqlar və yol təhlükəsizliyi

Ulu öndər Heydər Əliyevin 85 illiyinə həsr olunmuş tədbirlər davam edir. Təhsil və Daxili İşlər nazirliklərinin birgə təşkil etdikləri belə tədbirlərdən biri də Bakı Şəhəri üzrə Təhsil İdarəsinin "Uşaq avtoşəhərciyi" 46 nömrəli məktəbdənkənar tərbiyə işi mərkəzində keçirilmişdir.

Tədbirdə həmçinin uşaqlarla bağlı yol-nəqliyyat hadisələrinin profilaktikası üzrə müəllimlər arasında keçirilən maarifləndirici müəllif tədris proqramının ümumrespublika müsabiqəsinə yekun vurulmuşdur.

Cəmiyyətin böyük uğuru və qazancı

 

Respublikamızın Şərq və Qərb sivilizasiyalarının qovuşağında yerləşdiyindən təkcə regionda deyil, bütövlükdə dünyada dinamik inkişafın və nəhəng quruculuq işlərinin mərkəzinə çevrilməsi təbii bir prosesdir. Xalqın, millətin mənafeyi, respublikamızın çiçəklənməsi naminə böyük siyasi uzaq görənliklə möhtərəm Prezidentimiz İlham Əliyevin həyata keçirdiyi uğurlu siyasət ölkəmizin dünya birliyindəki mövqeyini daha da möhkəmləndirir. Son dörd ildə həyata keçirilən irimiqyaslı proqram və layihələr, sosial-iqtisadi islahatlar, iqtisadiyyatın sürətli inkişafı məhz bu uğurlu siyasətin danılmaz məntiqi nəticəsi kimi bütün dünyaya bir daha sübut edir ki, Azərbaycanda demokratik prinsiplərə söykənən sivil dövlət qurulub.