Türkmənistan Prezidenti Qurbanqulu Berdiməhəmmədova Bakı Dövlət

Universitetinin fəxri doktoru adı verilib

Mayın 20-də Bakı Dövlət Universitetində Türkmənistan Prezidenti Qurbanqulu Berdiməhəmmədova BDU-nun fəxri doktoru adı verilməsi münasibətilə mərasim keçirilmişdir.

Universitetdə Türkmənistan Prezidentini səmimi qarşıladılar, tələbələr ali qonağa gül dəstəsi təqdim etdilər.

Türkmənistan dövlətinin başçısı əvvəlcə universitetdəki Heydər Əliyev Muzeyi ilə tanış oldu.

BDU-nun rektoru, AMEA-nın akademiki, Milli Məclisin deputatı Abel Məhərrəmov mərasimi açaraq, Türkmənistan Prezidenti Qurbanqulu Berdiməhəmmədovun həyat və fəaliyyətinin əsas məqamlarından danışdı.

Ali qonağa müsəlman Şərqində ilk dünyəvi ali məktəbin - Bakı Dövlət Universitetinin yaranma tarixi barədə məlumat verildi.

Təhsil ocağının 80 illik yubileyi keçirildi

Mayın 19-da Azərbaycan Dövlət Filarmoniyasında Bakının Səbail rayonundakı M.Rahim adına 7 nömrəli orta məktəbin 80 illik yubileyi keçirildi. Foyedə şagird və müəllimlərin işlərini canlandıran  stendlər, referatlar, noutbukdakı görüntülər diqqəti cəlb edirdi. Tədbirdə təhsil naziri Misir Mərdanov, Milli Məclisin sədr müavini Bahar Muradova, Səbail Rayon İcra Hakimiyyətinin başçısı  Sahib Ələkbərov, məktəbin  məzunları və digər  qonaqlar iştirak edirdilər.

Məktəbin  direktoru Gülnaz Mehdizadə təhsil ocağının pedaqoji  kollektivi adından tədbir iştirakçılarını salamlayaraq bildirdi ki, əvvəllər  "rus- tatar",  sonra "gürcü-tatar" (Azərbaycan - red.) məktəbi  adı ilə  tanınan  tədris  ocağı  uzun illər  ingilis dili təmayüllü məktəb olmuşdur. 

Təhsil naziri "DAEWOO" şirkətinin prezidenti ilə görüşüb

Mayın 19-da təhsil naziri Misir Mərdanov Cənubi Koreya Respublikası "DAEWOO" şirkətinin prezidenti cənab Younq-Von Kanqın başçılıq etdiyi nümayəndə heyəti ilə görüşüb.

öncə nazir qonaqları Təhsil Nazirliyində görməkdən məmnunluq duyduğunu bildirib və onları səmimi salamlayıb. Nazir Cənubi Koreya Respublikası Baş nazirinin ölkəmizə səfərinin uğurlu nəticələr verəcəyini əminliklə vurğulayıb.

Sonra Misir Mərdanov Cənubi Koreya ilə Azərbaycan arasında olan əlaqələrin sürətlə inkişafından və səmərəli əməkdaşlıqdan söz açıb. ötən ilin avqustunda "DAEWOO" şirkəti ilə Təhsil Nazirliyi arasında imzalanmış memoranduma əsasən ölkəmizdə Ali Texniki Peşə Təhsili Mərkəzinin yaradılması istiqamətində aparılan işləri qeyd edən nazir həmin təhsil ocağının açılmasının Azərbaycan üçün prioritet məsələ olduğunu vurğulayıb.

Texniki Peşə Təhsili Mərkəzinin layihəsi təqdim olundu

Mayın 20-də Təhsil Nazirliyində Cənubi Koreyanın beynəlxalq "DAEWOO" şirkəti tərəfindən Azərbaycanda "Ali Texniki Peşə Təhsili Mərkəzinin tikintisi" üzrə hazırlanmış layihənin təqdimatı oldu.

Təqdimat mərasimində təhsil naziri, nazir müavinləri, nazirliyin struktur bölmə rəhbərləri, Bakı şəhərinin peşə liseyləri və peşə məktəblərinin direktorları, "DAEWOO" şirkətinin bir qrup təmsilçisi iştirak edirdilər.

Mərasim açıq elan olunduqdan  sonra "DAEWOO" şirkətinin fəaliyyətindən, xüsusən də şirkətin peşə təhsilinə dəstəyindən bəhs edən qısametrajlı film nümayiş olundu.

Daha sonra həmin şirkət tərəfindən Azərbaycanda tikiləcək Ali Texniki Peşə Təhsili Mərkəzi layihəsinin əsas parametrlərini əks etdirən film mərasim iştirakçılarına təqdim olundu.

Qafqaz Universitetinin məzun gecəsi

Bu il Azərbaycanda fəaliyyətinin 15 ili tamam olan Qafqaz Universiteti mayın 20-də Ş.Qurbanov adına Musiqili Komediya Teatrında özünün 11-ci buraxılışına həsr olunmuş məzun gecəsi keçirdi. Tədbirdə təhsil naziri Misir Mərdanov, millət vəkilləri, ziyalılar, Türkiyədən, Şimali Kipr Türk Cümhuriyyətindən, Amerikadan qonaqlar, valideynlər iştirak edirdilər.

Universitetin builki məzunlarının qismətinə öz buraxılış bayramlarını üç əlamətdar hadisə ilə bir vaxtda - ümummilli liderimiz Heydər Əliyevin 85, Azərbaycan Demokratik Cümhuriyyətinin 90 illik yubileylərinin və təhsil aldıqları ali məktəbin 15 illiyinin qeyd olunduğu ərəfədə keçirmək xoşbəxtliyi düşmüşdü. Məzun gecəsi də elə bu ildönümlərə həsr olunmuşdu.

Tədbirdə öncə türk dünyasının liderləri Heydər Əliyevin və Mustafa Kamal Atatürkün xatirələri bir dəqiqəlik sükutla yad olundu, Azərbaycan və Türkiyənin dövlət himnləri ifa edildi.

Məktəb-liseyin yeni tədris korpusunun açılışı oldu

Mayın 21-də Bakı şəhərindəki "Ankara məktəbi" məktəb-liseyin yeni tədris korpusunun açılış mərasimi oldu.

Mərasimdə təhsil naziri Misir Mərdanov, Nərimanov Rayon İcra Hakimiyyətinin başçısı Abdin Fərzəliyev, Türkiyənin ölkəmizdəki səfirliyinin təhsil məsələləri üzrə müşaviri Səlahəddin Dikmən, KİV nümayəndələri və başqaları iştirak edirdilər.

Məktəbin həyətinə toplaşmış şagirdlər qonaqları gül-çiçəklə qarşıladılar.

Azərbaycan Respublikasının Dövlət himni səsləndikdən sonra   məktəblilər ümummilli lider Heydər Əliyevə həsr olunmuş şeirlər söylədilər.      

çıxış üçün söz təhsil naziri Misir Mərdanova verildi.  Nazir təhsil ocağının yeni tədris korpusunun açılışının əlamətdar bir hadisə olduğunu deyərək məktəbin pedaqoji və şagird kollektivlərini bu münasibətlə təbrik etdi. Misir Mərdanov qeyd etdi ki, 2006-cı ildə Heydər Əliyev Fondunun təşəbbüsü ilə əsaslı təmir olunan "Ankara məktəbi" məktəb-liseyi ən müasir avadanlıqlarla tam təchiz edilib.

Respublika fənn olimpiadalarının qalibləri mükafatlandırıldı

Mayın 22-də Təhsil Nazirliyində respublika fənn olimpiadaları qaliblərinin mükafatlandırılması mərasimi keçirildi

Tədbirdə təhsil naziri Misir Mərdanov, nazir müavinləri İsgəndər İsgəndərov, Elmar Qasımov, İradə Hüseynova, Bakı Şəhəri üzrə Təhsil İdarəsinin müdiri Nailə Rzaquliyeva, Azərbaycan -Türkiyə özəl Liseyləri Baş İdarəsinin rəisi  Adəm önal, fənn olimpiadalarına münsiflik etmiş respublikanın tanınmış alimləri, şagirdləri bilik yarışında yer tutan məktəblərin direktorları iştirak edirdilər.

Azərbaycanda müasir Avropa tipli ilk musiqi təhsili ocağinin 110 illik yubileyi qeyd edilmişdir

Avropa notlu musiqi təhsili Cənubi Qafqazda və Yaxın Şərqdə məhz Azərbaycandan başlayır

AzərTAc xəbər verir ki, mayın 21-də Azərbaycan Dövlət Akademik Opera və Balet Teatrında Azərbaycan Milli Konservatoriyasının nəzdində Musiqi Kollecinin (keçmiş Asəf Zeynallı adına musiqi məktəbi) yaradılmasının 110 illik yubileyi qeyd edilmişdir.

Kollecin direktoru, əməkdar incəsənət xadimi, professor Nazim Kazımov əlamətdar hadisə münasibətilə həmkarlarını təbrik etmiş, ölkəmizin musiqi həyatında qocaman musiqi təhsili ocağının xidmətlərindən danışmış, onun ötən illərdəki fəaliyyətinin bəzi məqamlarından söz açmışdır.

Birincilərin bayramı

Adi bir may səhəri idi. Ancaq bu, paytaxtdakı 53 nömrəli orta məktəbin I "J" sinif şagirdləri üçün heç də adi gün deyildi. Həmin gün onlar "Əlifba"nı bitirmələrini bayram edirdilər. Birincilər həm də bu vaxta qədər aldıqları biliklərin hesabatını verəcəkdilər. Tədbiri məktəbin direktoru Firəngiz Həsənova açaraq bayram münasıbətilə sinif müəllimi Günay Novruzovanı, şagirdləri, valideynləri və qonaqları təbrik etdi.

Sonra aparıcı VI "D" sinif şagirdi N.Bəyim sözü birincilərə verdi. Onlar Azərbaycan Respublikasının Dövlət himnini ifa etdilər. Səhnəyə "Əlifba" ilə "Oxu" gəldi.  Hərflər sıraya düzüldü. Məhyəddin, Merac, Həmidə, Sülhanə, Nəzrin, Sahib, Məhəmməd hərflərə aid şeirlər söylədilər, "Kiçik sənət sahibləri" səhnəciyini göstərdilər. Sonra rəqəmlərin dialoqu başlandı.