Oktyabrın 29-da Bakıdakı 29 nömrəli orta
məktəbdə psixoloq müəllim Rəfiqə Səmədzadənin
təşkilaçılığı ilə "Mənəviyyat və narkomaniya"
mövzusunda tədbir keçirilib. Tədbirdə məktəbin
direktoru Ələddin Əliyev bildirib ki,
narkotiklərə nəzarət, narkomaniya ilə mübarizə
son illərdə dünyada ümumbəşəri bir problem
olmuşdur. Buna görə də hər bir təhsil ocağında
bu məsələ ən ümdə məsələyə çevrilməlidir.
Tədbirdə iştirak edən millət vəkili Hüseynbala
Mirələmov qeyd edib ki, narkotiklərin təsiri
altında olan insanlar çox təhlükəli olurlar.
Müşahidələr göstərir ki, narkomanlar təhsilə,
ailəyə, işə , dostlarına maraqlarını itirir və
onlar özlərini cəmiyyətdən təcrid edirlər. İndi
bu cür tədbirlərin məktəblərdə keçirilməsi çox
vacibdir və şagirdlər arasında daim
maarifləndirmə işi aparılmalıdır.
Respublika Narkoloji Dispanserinin həkimi Zamin
Əliyev bildirib ki, narkomaniyadan əziyyət çəkən
insanlara bütün müalicə müddəti ərzində ailənin
dəstəyi, əsl dost, qohum və yaxınlarının normal
münasibəti tələb ounur.
Bakı Şəhəri üzrə Təhsil İdarəsinin nümayəndəsi
Uğurlu Abbasov vurğulayıb ki, bu ümumbəşəri
problemin profilaktikası məsələlərində ölkəmizdə
məqsədyönlü tədbirlər həyata keçirilir. Digər
çıxış edənlər tədbirin məktəblilər arasında
xüsusi tərbiyəvi əhəmiyyətindən danışaraq
gələcəkdə başqa təhsil ocaqlarında da belə
tədbirlərin keçirilməsini təklif ediblər.
Şakir CƏFƏROV |