Bakı Pedaqoji Kadrların İxtisasartırma və
Yenidənhazırlanma İnstitutunun rektoru,
professor Asəf Zamanov Beynəlxalq Təhsil,
Texnologiya və İnkişaf Assosiasiyasının və
Beynəlxalq Pedaqoji Tədqiqatlar Mərkəzinin
(CİEP) dəvəti ilə 15-26 noyabr 2009-cu il
tarixlərdə Madriddə (İspaniya) və Parisdə
(Fransa) xidməti ezamiyyətdə olmuşdur.
Əməkdaşımız səfərlə bağlı fizika-riyaziyyat
elmləri doktoru, professor Asəf Zamanovdan
müsahibə almışdır. Həmin müsahibədən bəzi
məqamları dərc edirik. Azərbaycan
Respublikasının Prezidenti möhtərəm İlham
Əliyevin apardığı uğurlu daxili və xarici
siyasət bütün sahələrdə olduğu kimi, elm və
təhsil sahəsində də özünü göstərir. Belə ki,
Azərbaycan alimlərinin beynəlxalq elmi
konfranslarda, simpoziumlarda iştirakı, həmçinin
təhsil müəssisələrinin beynəlxalq əlaqələr
sahəsindəki uğurları məhz həmin bu siyasətin
nəticəsidir. Mən 16-18 noyabr 2009-cu il
tarixlərdə Madrid şəhərində Beynəlxalq Təhsil,
Texnologiya və İnkişaf Assosiasiyasının təşkil
etdiyi "Təhsil, tədqiqat və innovasiyalar"
Beynəlxalq elmi konfransında iştirak etdim və
"Təhsil sistemində andraqoji yanaşma" mövzusunda
məruzə etdim. Tədbirdə 60 ölkədən 600-dən çox
mütəxəssis iştirak edirdi. Konfransda təhsildə
texnologiyalar üzrə tədqiqatlar; təhsil,
tədqiqat və qloballaşma; tədqiqat, beynəlxalq
layihələr və innovasiyalar; ətraf mühitin
virtual öyrənilməsi; mühəndislik təhsilində yeni
tədqiqatlar; biliklərin idarəolunması;
riyaziyyat və statistikada yeni fikir və
təcrübələr; E-öyrənmə layihələri; təcrübə və
tədqiqatlara texnologiya və metedologiyaların
tətbiqi; akademik tədqiqat layihələri;
universitet - sənaye əməkdaşlığında təcrübələr;
pedaqoji taktika və strategiyalar; ali təhsil
sahəsində yeni çağırış; xarici dillərin
öyrənilməsində və tədrisində metodologiyalar;
strategiya, prinsiplər, tələblər və s.
bölmələrdə elmin və təhsilin çoxlu sahələri üzrə
məruzələr dinlənilib müzakirə olundu.
Noyabrın 21-dən 25-ə qədər Parisə ezamiyyə vaxtı
Beynəlxalq Pedaqoji Tədqiqatlar Mərkəzinin
(CİEP) fəaliyyəti ilə tanış oldum. Yeri
gəlmişkən qeyd edim ki, bu mərkəzlə bizim
institut 2009-cu ilin əvvəllərindən virtual
əməkdaşlıq edir. CİEP inzibati xarakterli dövlət
müəssisəsi kimi öz fəaliyyətini iki istiqamətdə
həyata keçirir: təhsil sahəsində beynəlxalq
əməkdaşlıq və dil təlimi (fransız dilinin
xaricdə tədrisi və Fransada xarici dillərin
tədrisi). CİEP təhsil sahəsində ekspert
qiymətləndirmə, təhsil proqramlarının
hazırlanması və sertifikatlaşdırılması ilə də
məşğuldur.
CİEP Fransanın ümumi Təhsil Nazirliyinin və Ali
Təhsil və Elm Nazirliyinin rəsmi agentliyidir.
İki nazirliyin tapşırığı ilə CİEP Fransanın və
başqa ölkələrin müxtəlif elm və təhsil
müəssisələri arasında vasitəçi kimi çıxış
edərək, təhsil sahəsində beynəlxalq əməkdaşlığı
təşkil edir, müxtəlif səviyyəli təhsil
müəssisələri ilə müntəzəm olaraq konfranslar,
seminarlar, treninqlər və başqa tədbirlər
keçirir.
24 noyabr 2009-cu il tarixdə həmin mərkəzlə Bakı
Pedaqoji Kadrların İxtisasartırma və
Yenidənhazırlanma İnstitutu arasında elm və
təhsil sahəsində əməkdaşlığa dair müqavilə
imzaladıq. Müqaviləni Fransa tərəfdən həmin
mərkəzin rəhbəri professor Tristan Lekoq,
Azərbaycan tərəfdən isə mən imzaladıq. Qeyd edim
ki, bu mərkəz dünyanın yüzdən çox ölkəsi ilə elm
və təhsil sahəsində əməkdaşlıq edir.
Müqaviləyə əsasən, tərəflər öz resursları və
intellektual rotensiallarından istifadə edərək
elmi-tədqiqat, elmi-metodik, məsləhət və
informasiya fəaliyyətini həyata keçirəcəklər.
Müqavilədə öz səlahiyyətlərimiz daxilində
pedaqoji kadrların təlimi və ixtisaslarının
artırılması, Azərbaycanda və Fransada
konfransların, seminarların, yaxud tədris
treninqlərinin təşkili, təhsil sahəsində rəhbər
kadrların təlimi və ixtisasının artırılması,
pedaqoji innovasiyalar rroblemləri, xüsusilə
tədris rroqramlarının, tədris metodikasının
yeniləşməsi məsələləri üzrə birgə elmi-tədqiqat
işlərinin, konfrans və seminarların təşkili, iri
beynəlxalq təşkilatların maliyyə dəstəyi ilə
beynəlxalq təhsil layihələrinin
reallaşdırılmasında birgə iştirak nəzərdə
tutulmuşdur.
Həmçinin adıçəkilən mərkəzlə Azərbaycan,
Ukrayna, Rusiya, Qazaxıstan və Belarusun müvafiq
ali məktəblərinin təşkilatçılığı ilə 2010-ju
ilin oktyabr ayında Bakıda "Təhsilin
keyfiyyətinin qiymətləndirilməsi" mövzusunda
beynəlxalq elmi konfransın keçirilməsi barədə
qərar qəbul etdik.
Qeyd edim ki, bu müqavilə beynəlxalq əməkdaşlığı
əsas prioritet istiqamətlərdən biri hesab edən
institutumuzun son iki ildə imzaladığı
doqquzuncu müqavilədir. 2008-ci ildən indiyə
qədər Ukrayna, Belarus və Rusiyanın müvafiq
səkkiz ali məktəbi ilə də müqavilələr
imzalamışıq. Hazırda bu ali məktəblərlə müxtəlif
layihələr üzərində işləyirik. Bu müqavilələr
əsasında həm Azərbaycanda, həm də xaricdə birgə
beynəlxalq elmi konfranslar təşkil etmişik.
Bunlardan Bakıda 2008-ci ilin noyabrında
keçirilmiş "Qloballaşma şəraitində pedaqoji
kadrların ixtisasının artırılması: reallıqlar və
perspektivlər", 2009-cu ilin sentyabrında
Kiyevdə təşkil olunmuş "Diplomdansonrakı
pedaqoji təhsil: Avropa orientirləri və regional
prioritetlər" beynəlxalq konfranslarının adını
çəkmək yerinə düşər.
Ş.MƏMMƏDOV |