Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

31 Dekabr 2009 - ¹51

 

Təhsil Nazirliyi ilə "Azərsun Holdinq" arasında niyyət protokolu imzalandı

 

Dekabrın 26-da Təhsil Nazirliyində bu qurumla "Azərsun Holdinq" şirkətlər qrupu arasında "Təhsil müəssisələri ilə əməkdaşlıq" layihəsi çərçivəsində görüləcək işlərə dair niyyət protokolu imzalandı.

İmzalanma mərasimini giriş sözü ilə açan təhsil naziri Misir Mərdanov Azərbaycanda çoxdan fəaliyyət göstərən və yaxşı tanınan, möhtərəm Prezidentimizin regionların sosial-iqtisadi inkişafı siyasətinin həyata keçirilməsində önəmli rol oynayan "Azərsun Holdinq" şirkəti ilə belə bir sənədin imzalanmasını Azərbaycan təhsili üçün ən yaddaqalan və böyük əhəmiyyəti olan hadisə kimi qiymətləndirdi. Nazir bildirdi ki, niyyət protokolunun imzalanmasında məqsəd Biləsuvar rayonunda fəaliyyət göstərən peşə liseyinin inkişafının birlikdə təmin edilməsidir.

üzərində uzun müddət iş gedən layihənin mahiyyəti barədə mərasim iştirakçılarına məlumat verən təhsil naziri Misir Mərdanov qeyd etdi ki, "Təhsil müəssisələri ilə əməkdaşlıq" layihəsi çərçivəsində peşə təhsili üzrə müəllim və şagirdlərin bilik və bacarıqlarının artırılması, onların elmi-texniki yeniliklərə yiyələnməsi üçün tədbirlər həyata keçirməklə əmək bazarı ehtiyaclarına uyğun kadrların hazırlanmasının tənzimlənməsi istiqamətində birgə fəaliyyət nəzərdə tutulur.

Sənədə əsasən peşə liseyinin təmirinə, avadanlıqlarla, dərslik və dərs vəsaitləri ilə təminatına, ola bilər, həm də genişlənməsinə Təhsil Nazirliyi kömək edəcək. "Azərsun Holdinq" şirkəti isə peşə liseyini bitirən gəncləri özünün Muğan bölgəsində fəaliyyət göstərən böyük istehsalat müəssisələrində işlə təmin olunmasına şərait yaradacaq. Bu isə ölkəmizin həmin bölgəsində işsizliyin azalmasına gətirib çıxaracaq. Nazirin bildirdiyinə görə, layihə çərçivəsində ən mühüm və ciddi məsələlərdən biri də Biləsuvar peşə liseyində təhsil alan şagirdlərin "Azərsun Holdinq" şirkətlər qrupunun Muğan bölgəsindəki istehsalat müəssisələrində təcrübə keçmələrinə şəraitin yaradılması olacaq. Nazir, eyni zamanda layihədə peşə liseyində çalışan mühəndis-pedaqoji heyətin ixtisas səviyyəsinin artırılması üçün də tədbirlərin nəzərdə tutulduğunu diqqətə çatdırdı və ümumən layihənin ölkə Prezidenti tərəfindən təsdiq olunmuş peşə təhsilinin inkişafı üzrə Dövlət Proqramının həyata keçirilməsi istiqamətində atılmış çox ciddi addımlardan biri olduğunu vurğuladı. Nazir əmin olduğunu söylədi ki, "Azərsun Holdinq"lə Təhsil Nazirliyinin işbirliyi təkcə bu layihə ilə kifayətlənməyib, daha da inkişaf edəcək, gələcəkdə ola bilər, ölkənin digər yerlərində yerləşən peşə liseylərini, təhsilin digər pillələrini də əhatə edəcək.

Sonra Misir Mərdanov "Azərsun Holdinq"in prezidenti Abdolbari Goozal da öz növbəsində imzalanacaq sənədin həqiqətən çox vacib məsələyə həsr olunduğunu, Təhsil Nazirliyi ilə rəhbərlik etdiyi holdinqin arasında əməkdaşlığın inkişafında mühüm rol oynadığını bildirdi. "Azərsun Holdinq"in Azərbaycandakı fəaliyyətindən, tikdikləri istehsal müəssisələrindən söz açan şirkətin prezidenti texnoloji məsələlərin təkcə sənayedə deyil, kənd təsərrüfatında da böyük önəm kəsb etdiyini, bu sahə üçün yeni müəssisələr açmaqla yanaşı, onlarda çalışacaq kadrların yetişdirilməsini də özlərinin vacib missiyası saydıqlarını diqqətə çatdırdı.

Sonra layihənin təqdimatı keçirildi. Təqdimatda layihənin 6 məqsəd güddüyü, ən mühüm məqsədlərdən birinin Azərbaycanın iqtisadi inkişafına, ölkə sənayesinin müasir dünya sənayesinə inteqrasiyasına dəstək olduğu vurğulandı.

Təqdimatda layihənin üstünlükləri, tərəflərin üzərinə götürdükləri öhdəliklər, gözlənilən nəticələr geniş şərh olundu.

Sonra Təhsil Nazirliyi ilə "Azərsun Holdinq" arasında sözügedən layihə ilə bağlı niyyət protokolu imzalandı. Protokolu Təhsil Nazirliyi tərəfindən nazir Misir Mərdanov, "Azərsun Holdinq" şirkətlər qrupu tərəfindən onun prezidenti Abdolbari Goozal imzaladılar.

Mərasimin sonunda təhsil naziri jurnalistlərin suallarını cavablandırdı. 

Yusif ƏLİYEV

 
Səhifənin başına qalx Nömrənin müdəricatına dön

Səhifənin başına qalx

 

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
31 Dekabr 2009 - ¹51
Azərbaycan Tibb Universitetinin çoxprofilli tədris-terapevtik klinikasının tikintisi ilə bağlı əlavə tədbirlər haqqında Azərbaycan Respublikası Prezidentinin Sərəncamı
 
2009-cu il nə ilə yadda qalacaq?
 
Heydər Əliyev Fondu tərəfindən Niderlanddakı Azərbaycan məktəblərinə Yeni il hədiyyələri təqdim olunub
 
Heydər Əliyev Fondu uşaqlar üçün bayram şənlikləri keçirir
 
Heydər Əliyev Fondunun təşəbbüsü ilə Yeni il ərəfəsində Şamaxıda uşaq incəsənət məktəbinin təməli qoyulub
 
Təhsil Nazirliyində mətbuat konfransı
 
Qaliblərə mükafatlar təqdim edildi
 
Təhsil Nazirliyi ilə "Azərsun Holdinq" arasında niyyət protokolu imzalandı
 
"Azərbaycan məktəbi" jurnalının 85 illiyinə həsr olunmuş tədbir
 
Yaponiya səfirliyində layihələrin imzalanma mərasimi keçirilib
 
6 nömrəli Bakı Peşə Liseyinin yubileyi qeyd olundu
 
Təhsil Nazirliyində mətbuat konfransı
 
Qaliblərə mükafatlar təqdim edildi
 
Təhsil Nazirliyi ilə "Azərsun Holdinq" arasında niyyət protokolu imzalandı
 
"Azərbaycan məktəbi" jurnalının 85 illiyinə həsr olunmuş tədbir
 
Uğurlarımızın əsasını demokratik idarəetmə təşkil edir
 
Dünya universitetləri: MakGill Universiteti
 

2007 - 2015-ci illərdə Azərbaycan gənclərinin xarici ölkələrdə təhsil üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010 ©  All Rights Reserved.
Created and supported by
Mehman Shafagatov