Fəaliyyəti dövründə "Sənətkar" ("Gənc fəhlə") jurnalı həmişə gənc nəslin peşəkar kadr kimi yetişməsində əməyi olan müəllimlərin nəzəri biliklərə və praktik bacarıqlara yiyələnməsinə kömək etmiş, ilk peşə-ixtisas təhsili sahəsində informasiya təminatının güclənməsində mühüm rol oynamışdır.

Uzunillik fasilədən sonra 2000-ci ildə "Sənətkar" adı ilə fəaliyyətə başlayan jurnalın bu il 40 yaşı tamam olur. Redaksiya bu münasibətlə "Ən yaxşı məqalə müəllifi" adı uğrunda "İlk peşə-ixtisas təhsilinin ictimai statusu yüksəldilməlidir" mövzusunda müsabiqə elan edir. Müsabiqəyə təqdim olunan yazılarda əsasən "Texniki Peşə Təhsilinin İnkişafı üzrə Dövlət Proqramı (2007-2012-ci illər)"nın qəbulundan sonra bu sahəyə artan dövlət qayğısı nəticəsində maddi-texniki bazanın möhkəmləndirilməsi, kadr hazırlığı işinin təkmilləşdirilməsi, ilk peşə-ixtisas təhsilinin məzmunca müasir tələblər səviyyəsində qurulması ilə cəmiyyətin peşə təhsilinə olan münasibətində müsbət tendensiyaların yaranması, onun nüfuzunun artması və hər bir peşə təhsili işçisinin bu istiqamətdəki fəaliyyəti öz əksini tapmalıdır. 

Müsabiqə 3 nominasiya üzrə

1.Müəssisə rəhbərləri

2.İstehsalat təlimi ustaları

3.İxtisas fənn müəllimləri arasında keçirilir. 

Hər nominasiya üzrə 1 - I yer, 2 - II yer, 3 - III yer müəyyənləşdirilmişdir.

Müsabiqə qalibləri qiymətli hədiyyələr və diplomlarla mükafatlandırılacaqlar. Yer tutmuş yazılar isə jurnalın yubileyə həsr olunmuş xüsusi buraxılışında çap olunacaqdır.

Məqalələr 01 mart 2010-cu ilə qədər elektron variantda, həcmi 3-5 səhifə olmaqla müəlliflərin qısa tərcümeyi-halı və 2 ədəd 3x4 ölçüdə fotoşəkillə Bakı şəhəri, A.Cəlilov 22, "Sənətkar" jurnalı redaksiyasına göndərilməlidir. 

Əlaqə telefonlarımız: 012 496-73-85

Faks: 012 490-53-59

e-mail: [email protected] 

TƏŞKİLAT KOMİTƏSİ