Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

22 Yanvar 2010 - 03

 
Nazir bir sıra lisey və gimnaziyaların direktorlarını ciddi tənqid etdi 
 

Yanvarın 15-də Təhsil Nazirliyinin bilavasitə tabeliyində olan lisey və gimnaziya direktorlarının iştirakı ilə müşavirə keçirilib.

Müşavirəni giriş sözü ilə açan təhsil naziri Misir Mərdanov nazirliyin bilavasitə tabeliyində olan lisey və gimnaziyalara hərtərəfli diqqət və qayğı göstərildiyini, müvafiq tədris ocaqlarının maddi-texniki təchizat məsələlərinin ən yüksək səviyyədə həllini tapdığını bildirib. Nazir qeyd edib ki, son illər həmin lisey və gimnaziyaların bəziləri uğurlarının sırasını genişləndirməyə müvəffəq olsa da, ümumilikdə onların fəaliyyətinin nəzərdə tutulan səviyyəyə yüksəldilməsi mümkün olmayıb.

Təhsil Nazirliyinin bilavasitə tabeliyində olan lisey və gimnaziyaların son illərdəki fəaliyyətinin təhlilinə dair məruzə-təqdimatla çıxış edən nazir bildirib ki, uğurlarla yanaşı, bir sıra tədris ocaqlarında şagird-müəllim nisbəti, ali məktəblərə qəbul göstəriciləri, yüksək balla ali məktəblərə daxil olan məzunların say nisbəti, abituriyentlərin qəbul imtahanlarında ayrı-ayrı fənlər üzrə nəticələri, mərkəzləşdirilmiş buraxılış imtahanlarının yekunları və digər mühüm məsələlər ümumilikdə, qənaətbəxş səviyyədə deyil.

Mövzu ətrafında fikirlərini konkret faktlarla əsaslandıran nazir qeyd edib ki, tədrisin səviyyəsinin yüksəldilməsi işində şagird-müəllim nisbətinin müvafiq həddə saxlanılması olduqca əhəmiyyətlidir. Bir müəllimə düşən şagird sayının Heydər Əliyev adına liseydə 17,1, Süleyman Rüstəm adına gimnaziyada 16,2, Zəngi liseyində 15,8 nəfər təşkil etdiyini müsbət hal kimi dəyərləndirən Misir Mərdanov İncəsənət gimnaziyasında bu göstəricinin  2,3-ə  bərabər  olmasını  ciddi  irad  kimi  məktəb direktorunun  diqqətinə  çatdırıb.

Təhsil Nazirliyinin bilavasitə tabeliyində olan lisey və gimnaziyaların məzunlarının ali məktəblərə qəbulu məsələsinə toxunan təhsil naziri Kimya-biologiya təmayüllü liseyin, Makarenko adına gimnaziyanın və İncəsənət gimnaziyasının müvafiq göstəricilərinin aşağı olduğunu qeyd edib.

Təhsil müəssisələrinin 600-dən çox bal toplayaraq ali məktəblərə daxil olan məzunlarının sayı haqqında rəqəmləri açıqlayan nazir Heydər Əliyev adına liseyin 23, Elitar gimnaziyanın isə 9 məzununun bu baxımdan fərqləndiyini və hər iki tədris ocağının ötən illərdəki müvafiq göstəricilərini daha da yaxşılaşdırdıqlarını müşavirə iştirakçılarının nəzərinə çatdırıb. Ali məktəblərə qəbul imtahanlarında 600-dən çox bal toplayanlar arasında İncəsənət gimnaziyasının yalnız 1 məzununun yer almasından təəssüfləndiyini bildirən Misir Mərdanov bunu tədris ocağında işin düzgün təşkil edilməməsi ilə əlaqələndirib.

Abituriyentlərin qəbul imtahanlarında ayrı-ayrı fənlər üzrə göstərdikləri nəticələrdən söz açan təhsil naziri Fizika-riyaziyyat və informatika təmayüllü liseyin, Kimya-biologiya təmayüllü liseyin və Səttar Bəhlulzadə adına xarici dillər təmayüllü gimnaziyanın məzunlarının öz ixtisas profillərinə uyğun fənlərdən yüksək nəticə göstərə bilməməsinin ciddi təəccüb doğurduğunu qeyd edib.

Qeyd olunan bütün bu nöqsanların aradan qaldırılması üçün Təhsil Nazirliyinin müvafiq şöbə və struktur rəhbərlərinə göstəriş verən Misir Mərdanov həmin təhsil müəssisələrinin fəaliyyətinin səmərəli təşkili üçün məktəb direktorlarına daha məsuliyyətli olmağı, işlərini onlara göstərilən qayğıya uyğun səviyyədə qurmağı tövsiyə edib.

Daha sonra qarşıda duran digər prioritet məsələlər, müsbət ənənələrin qorunub saxlanılması, tədrisin səviyyəsinin yüksəldilməsinə mane olan halların aradan qaldırılması yolları ilə bağlı müzakirələr aparılıb, dərs şəraitinin daha da yaxşılaşdırılması üçün ehtiyac duyulan tədbirlər müəyyənləşdirilib. Bütün bu tədbirlərin Təhsil Nazirliyinin bilavasitə tabeliyində olan  lisey  və  gimnaziyaların gələcək  fəaliyyətinə  müsbət təsir  göstərəcəyinə  əminlik  ifadə olunub.  

Hicran ƏKBƏROVA,
Yusif ƏLİYEV

 
Səhifənin başına qalx Nömrənin müdəricatına dön"Təhsil nazirliyində" bölməsinə get

Səhifənin başına qalx

 

HEYDƏR ƏLİYEVV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
22 Yanvar 2010 - 03
Azərbaycan Prezidenti İlham Əliyev Türkiyənin milli təhsil naziri xanım Nimet çubukçunun başçılıq etdiyi nümayəndə heyətini qəbul edib
 
Litvanın təhsil və elm nazirinin başçılıq etdiyi nümayəndə heyəti Heydər Əliyev Fondunda olub
 
Nazirlər Kabineti məzunların qızıl və gümüş medallarla təltif olunması qaydalarını təsdiq edib
 
Türkiyənin milli təhsil naziri ilə görüş
 
Nazir bir sıra lisey və gimnaziyaların direktorlarını ciddi tənqid etdi 
 
"Tələbələrin sayına görə Avropada liderik" Litva Respublikasının təhsil və elm naziri cənab Gintaras Steponaviçiusun qəzetimizə müsahibəsi
 
İstedadlı alim, görkəmli elm və təhsil təşkilatçısı
 
Kamalı böyük, qəlbi sadə sənətkar
 
Dünya universitetləri: Edinburq Universiteti
 

2007 - 2015-ci illərdə Azərbaycan gənclərinin xarici ölkələrdə təhsil üzrə;
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010   All Rights Reserved.
Created and supported by
Mehman Shafagatov