Bakı Slavyan Universiteti Almaniyanın Johannes
Quttenberq Universiteti ilə birgə "Mayns və
Osvald fon Volkenştayn" cəmiyyətinin maraqlı bir
layihəsini həyata keçirir.
Bu günlərdə BSU-da "Kitabi-Dədə Qorqud" və "Nibelunqlar
haqqında nəğmə: Ortaçağ qəhrəmanlıq
dastanlarında Şərq və Qərb" adlanan həmin layihə
çərçivəsində növbəti tədbir baş tutub.
BSU-nun rektoru, Azərbaycan Milli Elmlər
Akademiyasının müxbir üzvü Kamal Abdullayev
layihənin həyata keçirilməsində xidməti olan
Almaniyanın Vüsburq Universitetinin professoru,
"Mayns və Osvald fon Volkenştayn" cəmiyyətinin
prezidenti xanım Ziqlinde Hartmanna təşəkkürünü
bildirib.
Almaniyanın Bakıdakı səfiri Per Kristofer
Stançina öz çıxışında ölkəsi ilə Azərbaycan
arasında təhsil sahəsində mövcud olan qarşılıqlı
əməkdaşlıq əlaqələrinin əhəmiyyətindən bəhs edib.
Professor Ziqlinde Hartmann bu layihə
çərçivəsində gələn il Almaniyada keçiriləcək
ikinci simpoziuma hazırlıqla bağlı aparılan
müzakirələr haqqında ətraflı məlumat verib.
Xanım Hartmann tədbir iştirakçılarının diqqətinə
çatdırıb ki, BSU-nun xarici ölkə universitetləri
və mədəniyyət mərkəzləri ilə əməkdaşlığının
genişləndirilməsinə xidmət edən layihənin beş il
müddətində reallaşdırılması nəzərdə tutulur.
Layihə çərçivəsində 2011-ci ildə Almaniyada,
2013-cü ildə isə Bakıda keçirilməsi nəzərdə
tutulan simpoziumlar dastanların üslubiyyatı,
nəşri, tərcüməsi problemlərinə və s. məsələlərə
həsr olunacaqdır.
Tədbirin sonunda almaniyalı professor "Ortaçağda
eşqin kəşfi" mövzusunda mühazirə oxuyub.
Hicran ƏKBƏROVA |