Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

12 Mart 2010 - 10

 

Yetirmələri tərəfindən daim xatırlanmağın sevinci

Bookmark and Share

Müdrik bir deyimə görə, bağ bağbansız, bəşəriyyət müəllimsiz keçinə bilməz. Kimliyindən, həyatda tutduğu mövqeyindən asılı olmayaraq, hər bir insan özündəki bir sıra keyfiyyətlərə görə dərs aldığı ilk müəlliminə borcludur. Alimdən, mütəfəkkirdən tutmuş sadə insanlaradək hər kəs ona ilk dərs deyən, əlifbanı tanıdıb ana, Vətən kəlmələrini öyrədən müəllimlərini bütün həyatı boyu əziz insan kimi xatırlayır, yada salır, heç vaxt unutmur.

Belə insanlardan biri, ömrünü balalarımızın təlim-tərbiyəsinə həsr edən, hazırda Salyan rayonunun Şorsulu kənd orta məktəbində sinif müəllimi işləyən Zeynəb Nəcəfova haqqında söz açmaq istəyirəm.

Zeynəb Niftulla qızı Nəcəfova 1950-ci il martın 13-də Salyan rayonunun Qırmızıkənd kəndində (hazırda Neftçala rayonu) dünyaya göz açıb. 1965-ci ildə Qırmızıkənd kənd səkkizillik məktəbini, 1967-ci ildə isə Əli Bayramlı şəhər (indiki Şirvan şəhəri) 10 nömrəli orta məktəbini müvəffəqiyyətlə bitirən Zeynəb müəllim olmaq arzusu ilə sənədlərini elə həmin il Əli Bayramlı Pedaqoji Texnikumuna verib və qəbul imtahanlarından müvəffəq qiymətlər alaraq bu təhsil ocağına qəbul  edilib.

Hələ kənd məktəbinin ibtidai sinfində oxuyarkən özünü sinif müəlliminə oxşatmağa çalışan balaca Zeynəb dərsdən sonra qonşu uşaqları başına yığıb, onlara "dərs keçərdi". Ən böyük arzusu əlinə jurnal götürub şagirdləri tərəfindən sevilən müəllim kimi sinfə girmək olub. Elə buna görə də savadlı müəllim olmaq üçün ilk gündən texnikumda yaxşı oxumağa, pedaqoji bilikləri dərindən öyrənməyə çalışır, texnikumun ictimai həyatında fəal iştirak edir.

1969-cu ildə orta ixtisas təhsilini yaxşı qiymətlərlə başa vurduqdan sonra Qırmızıkənd kənd səkkizillik məktəbinə sinif müəllimi göndərilir. Elə həmin il sentyabrın 1-də əlinə jurnal alıb sinfə girəndə isə sanki dünyanı ona bağışlamışdılar. Müəllimlik çətin sənət olduğundan onda asan uğur qazanmaq olmur. Gərək bu sənəti sevəsən, daim öz üzərində çalışasan. Öz metodikan olsun və onu daim zənginləşdirə biləsən. Zeynəb müəllim bu sadə həqiqətləri  texnikumda sevimli müəllimlərindən öyrənmişdi. Qalırdı onları diqqətdə saxlayıb əməl etmək. İşə cidd-cəhdlə girişdi. Öyrəndikləri nəzəri bilikləri təcrübəyə tətbiq etmək üçün səylə  çalışdı, təcrübəli həmkarlarının tövsiyələrinə əməl etdi. Müəllimlik üçün zəruri olan keyfiyyətləri - çalışqanlığı, məsuliyyəti, yeniliyə can atması tezliklə onu məktəbdə yaradıcı, fəal, yaxşı müəllim kimi tanıtdı, adı rayonun  ən yaxşı müəllimləri sırasında çəkilməyə başladı.

İctimai işlərdə də həmişə fərqlənən Zeynəb müəllim məktəbdə yaratdığı özfəaliyyət dərnəyinin rəhbəri kimi rayonda keçirilən tədbirlərdə fəal iştirak etdi. Yaxşı müəllim, fəal ictimaiyyətçi kimi fəxri  fərmanlarla, diplomlarla təltif olundu.

1974-cü ildə ailə qurması ilə əlaqədar Salyan rayonunun Şorsulu kəndinə köçdü. O vaxtdan bu günə qədər Şorsulu kənd orta məktəbində sinif müəllimi kimi fəaliyyət göstərir. Burada da şagirdlərinin sevimlisi olan Zeynəb müəllim pedaqoji kollektivin dərin hörmətini qazanıb. İşini günün tələbləri səviyyəsində qurur, təlim prosesində şagirdləri fəallaşdıran, yaradıcı qabiliyyətlərini, təfəkkürlərini inkişaf etdirən müasir üsullara geniş yer verir, kurikulumun tələblərini yüksək səviyyədə həyata keçirir, şagirdlərin şəxsiyyət kimi formalaşmasında bilik və bacarığını əsirgəmir. Təsadüfi deyil ki, Zeynəb müəllim uzun müddətdir məktəbdə ibtidai siniflər üzrə metodbirləşmənin sədridir.

41 il ərzində həyatını kiçik yaşlı şagirdlərin təlim-tərbiyəsinə həsr edən Zeynəb müəllim vaxtilə şagirdi olmuş, hazırda respublikanın müxtəlif elm və istehsalat sahələrində ləyaqətlə çalışan məzunları tərəfindən hörmətlə yad edilir. Keçmiş şagirdləri onunla əlaqə saxlayır, bəzən də görüşünə gəlirlər. Bu günlərdə qeyd ediləcək 60 illik ömrünü mənalı yaşadığına, vətənə layiq övladlar yetişdirdiyinə, şagirdləri tərəfindən heç vaxt unudulmadığına görə Zeynəb müəllimin sevinməyə haqqı var. 

Nizami MİRZƏ

 
Səhifənin başına qalx Nömrənin müdəricatına dön

Səhifənin başına qalx

 

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
12 Mart 2010 - 10
Azərbaycan qadınlarının bir qrupunun "Tərəqqi" medalı ilə təltif edilməsi haqqında Azərbaycan Respublikası Prezidentinin Fərmanı
 
Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin Fərmanı
 
Bakının on məktəbinin direktoru vəzifəsindən azad edildi
 
"Azərbaycan müəllimi" qəzetinin yeni saytı (www.muallim.edu.az) istifadəyə verildi
 
Qəbələdə daha iki məktəb binası tikildi
 
Azərbaycan təhsili: yaxın keçmişə, bu günə və gələcəyə bir baxış
 
De-institutlaşdırma və alternativ qayğı Dövlət Proqramının icrası ilə bağlı təqdimat dinlənildi
 
Əməkdaşlıq barədə Anlaşma Memorandumu imzalandı
 
Həmyerlimiz beynəlxalq Eynşteyn mükafatına layiq görüldü
 
Səfir Azərbaycan Dillər Universitetində olub
 
Müasir elmi problemlər araşdırılır
 
Qələbənin 65 illiyi ilə əlaqədar tədbir keçirilib
 
Pascal dilində qrafikqurma operatorlarının öyrədilməsi metodikası
 
Naxçıvan və İrəvanın işğal dönəminin tarixinə dair monoqrafik tədqiqat
 
Almaniyalı professor BSU-da mühazirə oxuyub
 
Tələbələrin elmi-tədqiqat işlərinə həsr olunmuş konfrans keçirilib
 
"Təbiəti qoruyaq" mövzusunda "dəyirmi masa"
 
Görkəmli kinoşünasın yubileyi qeyd edilib
 
"Təhsilin əsasları" fənninin ilk semestrdə tədrisi nə göstərir
 
Məktəbdə "Məzun günü"
 
Yetirmələri tərəfindən daim xatırlanmağın sevinci
 
Yeri görünən insan
 
"Sağlam həyat tərzi və idman" devizi altında
 
Qızlar arasında voleybol yarışı keçirilib
 
Pəhləvanlarımız finalda erməni rəqiblərinə qalib gəliblər
 
Uşaqlar bacarıqlarını nümayiş etdirəcəklər
 
Məktəblilər arasında ekoloji breyn-rinq yarışması
 
Dünya universitetləri: Paris Ali Normal Məktəbi
 

2007 - 2015-ci illərdə Azərbaycan gənclərinin xarici ölkələrdə təhsil üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010   All Rights Reserved.
Created and supported by
Mehman Shafagatov