|
Paytaxtımızın bir neçə orta məktəbində oxuyan
şagirdlərlə bayramqabağı söhbətlərimizdə bu
suala cavab axtardıq. 35 nömrəli orta məktəbin
VI sinif şagirdi Fatimə Xaspoladova Novruz
bayramını bütün bayramlardan çox sevdiyini dedi.
Bildirdi ki, bu bayram xalqımıza zərdüştlük
dövründən gəlib çıxıb. Xalqımız həmin dövrlərdə
oda, suya, torpağa sitayiş edib və onları hər
şeydən üstün tutublar. Novruz bayramında
süfrələrə şəkərbura, paxlava, qoğal, yeddi
rəngə boyanmış yumurtalar, səməni düzülür.
Məktəbin IV sinif şagirdi Səbinə Məmmədli isə
çərşənbələr haqqında məlumat verərək dedi ki,
bayramda dörd çərşənbə var: su çərşənbəsi, od
çərşənbəsi, yel çərşənbəsi və torpaq
çərşənbəsi. Hər bir çərşənbə öz xarakterik
xüsusiyyətləri ilə həyatımıza yenilik, xoş
əhvali-ruhiyyə gətirir.
14 nömrəli orta məktəbin şagirdlə
ri də Novruz bayramı haqqında maraqlı
danışdılar. Novruz adət-ənənələri haqqında
məlumat verən IV sinif şagirdi Səməd
Allahverənov bayram axşamlarında hər bir
ailədə şadyanalıq, xoş sözlər danışıldığını
söylədi və qeyd etdi ki, bu bayramda süfrələr
bəzədilir, yeddi cür təam bişirilir, subay
qızlar bir yerə yığılır, fala baxır və qapı
pusurlar.
II sinif şagirdi Həsən Səfərəliyevin ən çox
sevdiyi adət isə bayram tonqallarının
yandırılmasıdır. Bu vaxt Kosa və Keçəlin də
tonqal başına gəlişi bayramı daha da maraqlı,
yaddaqalan edir.
Sonra 244 nömrəli orta məktəbin IV sinif
şagirdi Nihad Zeynalov bizə Novruz bayramı
haqqında məlumat verərək papaq atmaqdan çox xoşu
gəldiyindən söhbət açdı. Dedi ki, elə çərşənbə
axşamı qonşu uşaqlarla başqa məhəlləyə papaq
atmağa getmişdim, onlar mənə bir evin qapısını
göstərdilər ki, burada yaşayanlar papaqların
içini ağzına kimi doldururlar. Mən də inanıb
həmin evin pəncərəsindən içəri papaq atdım.
Müəyyən vaxt gözlədim, lakin papaqdan xəbər
çıxmadı. Heç demə, ev yiyəsi evdə yox imiş. Bu
anda dostlarım mənə baxıb gülə-gülə dedilər ki,
biz də papaqsız qalmışıq. İndi sən də düşdün
bizim vəziyyətimizə, gəlin gedəyin tonqal
üstündən hoppanmağa!!!
Nəhayət , 267 nömrəli məktəbin III sinif şagirdi
Aysu Hüseynzadə də Novruz bayramının
adətlərindən və ən sevimli işi - yumurta bəzəmək
və səməni cücərtməkdən xeyli danışdı.
Nəticədə məktəblilərlə aparılan söhbətlərdən şad
olduq və biz də onların bayramlarını təbrik
edib şadyanalıqla ayrıldıq.
Rəşad ZİYADOV |
