Təqaüd Proqramında İKT üzv dövlətlərinin vətəndaşlarına Türkiyə universitetlərində təhsil almaq üçün 30 təqaüd - 10 araşdırma işi, 10 magistr və 10 bakalavr təqaüdü - ayrılmışdır.

Təqaüd Proqramında iştirak etmək arzusunda olan namizədlər:

1. Türkiyə Cümhuriyyətinin vətəndaşı olmamalı və ya ikili vətəndaşlığa malik olmamalı;

2. Bakalavr təqaüdünə namizədlər Türkiyədə tanınan məktəbdən ən azı yaxşı qiymətlərlə və iki ildən əvvəl olmamaq şərtilə məzun olmalı və 25 yaşından böyük olmamalı ;

3. Magistr və doktor təqaüdünə namizədlər ən azı 4 il əvvəl universitetdən məzun olmalı və 40 yaşından böyük olmamalı;

4. Araşdırma işi təqaüdünə namizədlər ən azı 4 il əvvəl universitetdən məzun olmalı və türk və ya ingilis dilini yaxşı səviyyədə bilməli;

5. Fiziki cəhətdən sağlam olmalıdırlar.  

Tələb olunan sənədlər:  

Bakalavr təqaüdünə namizədlər üçün:

1. Təqaüd proqramına müraciət etmək üçün xüsusi ərizə forması;* (formaya fotoşəkil yapışdırılmalıdır);

2. Attestatın notarial qaydada təsdiq olunmuş və türk və ya ingilis dilinə tərcümə olunmuş iki ədəd surəti; (Türkiyəyə gəlişdə attestatın əsli də gətirilməlidir);

3. Hazırda bakalavr pilləsində təhsil alan tələbələr üçün - notarial qaydada təsdiq olunmuş və türk və ya ingilis dilinə tərcümə olunmuş iki ədəd qiymət kitabçasından çıxarış;

4. Türk və ya ingilis dilinə tərcümə olunmuş tibbi arayış;

5. 4 ədəd 3,5x4,5 rəngli fotoşəkil;

6. Xarici pasportun surəti;

7. TÖMER diplomu (əgər varsa). 

Magistr və doktor təqaüdünə namizədlər üçün:

1. Təqaüd proqramına müraciət etmək üçün iki ədəd xüsusi ərizə forması;* (formaya fotoşəkil yapışdırılmalıdır);

2. Diplomun notarial qaydada təsdiq olunmuş və türk və ya  ingilis dilinə tərcümə olunmuş iki ədəd surəti; (Türkiyəyə gəlişdə diplomun əsli də gətirilməlidir);

3. Hazırda magistratura pilləsində təhsil alan tələbələr üçün notarial qaydada təsdiq olunmuş və türk və ya ingilis dilinə tərcümə olunmuş iki ədəd qiymət kitabçasından çıxarış;

4. Türk və ya ingilis dilinə tərcümə olunmuş iki ədəd tərcümeyi - hal (CV forması);

5. İki fərqli müəllimdən alınacaq və türk və ya  ingilis dilinə tərcümə olunmuş iki ədəd tövsiyə məktubu;

6. Türk və ya  ingilis dilinə tərcümə olunmuş tibbi arayış;

7. 4 ədəd 3,5x4,5 rəngli fotoşəkil;

8. Xarici pasportun surəti;

9. TÖMER diplomu (əgər varsa). 

Araşdırma işi təqaüdünə namizədlər üçün:

1. Təqaüd proqramına müraciət etmək üçün dörd ədəd xüsusi ərizə forması;* (formaya fotoşəkil yapışdırılmalıdır);

2. Diplomun notarial qaydada təsdiq olunmuş və türk və ya ingilis dilinə tərcümə edilmiş iki ədəd surəti; (Türkiyəyə gəlişdə diplomun əsli də gətirilməlidir);

3. Türk və ya ingilis dilinə tərcümə olunmuş iki ədəd tərcümeyi - hal (CV forması);

4. İki fərqli müəllimdən alınacaq və türk və ya  ingilis dilinə tərcümə olunmuş iki ədəd tövsiyə məktubu;

5. Yazılacaq araşdırma işinin türk  və ya ingilis dilinə tərcümə olunmuş planı;

6. Türk və ya ingilis dilinə tərcümə olunmuş tibbi arayış;

7. 4 ədəd 3,5x4,5 rəngli fotoşəkil;

8. Xarici pasportun surəti;

9. TÖMER diplomu (əgər varsa). 

*Təqaüd proqramına  müraciət etmək üçün xüsusi ərizə formasını http://digm.meb.gov.tr saytından yükləyə bilərsiniz. 

Qeyd: Xüsusi ərizə formasını yanlış və ya natamam dolduran namizədlərin sənədləri qəbul olunmayacaqdır.  

Proqramda iştirak etmək arzusunda olan namizədlər lazımi sənədlərlə birlikdə 01 aprel 2010-cu il tarixinə kimi Azərbaycan Respublikası Təhsil Nazirliyinin Beynəlxalq əlaqələr şöbəsinə müraciət edə bilərlər. 

Əlaqə saxlanılacaq şəxs:
Elnarə Hüseynova
Tel.: 496-33-11, 496-34-00,
daxili nömrə 1-84