Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

21 May 2010 - 19

 

Əməkdar müəllim

Bookmark and Share

Azərbaycan Dövlət Universitetini bitirdiyim 1969-cu ildən bu günədək mətbuatdayam. Mənim bir jurnalist kimi bəxtim onda gətirdi ki, respublika mətbuatında əmək fəaliyyətimin təməli xeyirxah insanların əlləri ilə qoyuldu. O xeyirxah insanlar professor, respublikanın əməkdar müəllimi Tofiq Rəsulov və görkəmli yazıçı-jurnalist Cəmil Əlibəyovdur. O vaxt Tofiq müəllim Azərbaycan KP MK-da işləyirdi, Cəmil müəllim isə "Azərbaycan gəncləri" qəzetinin redaktoru idi.

Bu iki dostun birgə qayğısı məni beləcə respublika mətbuatına bağladı. Və mən, əslində, onların simasında böyük xeyirxahlığın nə demək olduğunu gördüm. Bu qayğı mənim taleyimdə əsas rol oynadı. Hansı mətbuatda rəhbər vəzifədə işləmişəmsə, Cəmil müəllim kimi olmağa çalışmışam. Hansısa problemlə üz-üzə qalmış insan görmüşəmsə, Tofiq müəllim kimi yaxşılıq etməyə səy göstərmişəm.

Məni Tofiq müəllimlə atam Əhməd kişi 40 il öncə tanış etmişdi. Atalarımız çox mehriban dost olmuşdular. O vaxt Tofiq müəllim - məndən 20 yaş böyük olan bu gözəl insan boynumu qucaqlayıb demişdi: "Gəl, biz də atalarımız kimi yaxşı dost olaq!". Bu, onun sadəliyindən irəli gəlirdi.

Tofiq müəllimi çox istəyirəm. O, həqiqi ziyalı, son dərəcə səmimi insandır. Bu il mayın 22-də 80 yaşını qeyd edəcəyik. Müdrikliyindən, ürəyinin saflığındandır ki, öz gümrahlığı ilə bizi sevindirə bilir, onun varlığı qohumlar və dostlar üçün Allahdan arzulanan şirin bir diləkdir.

Tofiq Əli oğlu Rəsulov 1930-cu ildə Gədəbəy rayonunun Düz Rəsullu kəndində doğulmuşdur. 1947-ci ildə Zəngilan rayonunun Pirçivan qəsəbə orta məktəbini bitirib həmin ildə də Azərbaycan Dövlət Universitetinin tarix fakültəsinin fəlsəfə şöbəsinə daxil olmuşdur. Universiteti bitirdikdən sonra, 1952-ci ildə Gəncə Dövlət Pedaqoji İnstitutunda kabinet müdiri vəzifəsində əmək fəaliyyətinə başlamış, 1954-57-ci illərdə SSRİ EA Fəlsəfə İnstitutunun aspiranturasında təhsil almış, 1958-ci ildə namizədlik dissertasiyası müdafiə etmiş, 1958-61-ci illərdə Azərbaycan SSR Elmlər Akademiyasının Fəlsəfə və Hüquq İnstitutunda kiçik elmi işçi, baş elmi işçi vəzifələrində çalışmışdır. 1961-62-ci illərdə Azərbaycan KP MK-da mühazirəçi, 1962-66-cı illərdə "Azərbaycan kommunisti" jurnalı baş redaktorunun müavini, 1966-69-cu illərdə Bakı Ali Partiya Məktəbinin Fəlsəfə kafedrasının dosenti vəzifələrində işləmişdir. 1969-cu ilin sentyabrında irəli çəkilərək Azərbaycan KP MK-da mühazirəçilər qrupunun rəhbəri təyin olunmuşdur. 1981-ci ildə Bakı Ali Partiya Məktəbinin Fəlsəfə kafedrasının müdiri seçilmişdir. Hazırda Azərbaycan Respublikasının Prezidenti yanında Dövlət İdarəçilik Akademiyasının Fəlsəfə və sosial psixologiya kafedrasının müdiridir.

Tofiq Rəsulov həm gözəl müəllim, həm də gözəl tədqiqatçıdır. Tələbələrinə fəlsəfəni sevdirməyi bacarır. Onun elmi-tədqiqat fəaliyyəti fəlsəfə tarixi, sosiologiya, insan və cəmiyyət, demokratik cəmiyyət quruculuğu prosesində dövlət idarəçiliyinin mənəvi əsasları probleminin işlənilməsinə həsr olunmuşdur. O, ümumi həcmi 90 çap vərəqi təşkil edən 80-dən artıq elmi məqalə, tədris-metodik vəsait, monoqrafiya və kitabların müəllifidir. Çoxsaylı əsərlərin elmi redaktorudur.

Professor Tofiq Rəsulov Azərbaycanda pozitivizm fəlsəfəsi və sosiologiyasının tədqiqi sahəsində ilk müəlliflərdən biridir. Pozitivizmin baniləri O. Kontun, H.Spenserin yaradıcılıqlarına dair bir sıra məqalələr ona məxsusdur. 1960-cı ildə çap olunmuş monoqrafiyasında o, pozitivizmin tarixi formalarını, xüsusən neopozitivizmi nəzərdən keçirir. O zamanlar bu məsələlərin məzmununa tənqidi yanaşılırdı. Bu səpgidə T.Rəsulov tərəfindən Moskvada çıxan "Voprosı filosofii" jurnalının 1956-cı il 6-cı sayında dərc olunmuş "Pitirim Sorokinin türkiyəli həmfikri" məqaləsi indi də maraq doğurur. Burada İstanbul Universitetinin professoru Nurettin Sazi Kösemihalın "Sosiologiya tarixi" kitabında şərh olunmuş sosioloji cərəyanlar, xüsusilə "İktisadi okul" başlığı altında verilmiş Marksın baxışlarının Qərb sosiologiyasının XX əsrdə görkəmli nəzəriyyəçisi, Rusiya mənşəli Pitirim Sorokinin "Müasir sosioloji cərəyanlar" adlı kitabı ilə səsləşməsi, onunla həmfikir olması işıqlandırılır. O zamanlar üçün türk sosioloqu və professorunun əsərini "Voprosı filosofii" jurnalının oxucularına təqdim etmək xüsusi dəyərləndirilməlidir.

Professor Tofiq Rəsulovun təltifləri çoxdur. Lakin onun üçün ən əzizi "Azərbaycan Respublikasının əməkdar müəllimi" fəxri adıdır. Bu ad ona çox yaraşır. Tofiq Rəsulov kimi təmiz, xeyirxah insanlara bu gün daha böyük ehtiyac vardır. Ona 80 yaşın mübarək deyib, yüz ildən çox ömür sürməyini arzulayıram!

Məhəmməd  BAHARLI

 
Səhifənin başına qalx Nömrənin müdəricatına dön"Pedaqoji yazılar" bölməsinə get

Səhifənin başına qalx

 

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 

21 May 2010 - 19

Azərbaycan Dövlət Aqrar Universitetinin əməkdaşlarının "Tərəqqi" medalı ilə təltif edilməsi haqqında  Azərbaycan Respublikası Prezidentinin Sərəncamı
 
Azərbaycan Dövlət Aqrar Universitetinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı
 
Ə.A.Əsgərova Azərbaycan Respublikası Prezidentinin fərdi təqaüdünün verilməsi haqqında Azərbaycan Respublikası Prezidentinin Sərəncamı
 
Ümumtəhsil məktəblərində "Son zəng" tədbirinin  keçirilməsi haqqında Azərbaycan Respublikası təhsil nazirinin əmri
 
Mirzə Fətəli Axundzadənin 200 illik yubileyinin keçirilməsi haqqında Azərbaycan Respublikası təhsil nazirinin əmri
 
"Heydər Əliyev məktəbi"nin növbəti məşğələsi 
 
İslam Dünyası Universitetləri Federasiyasının V baş konfransı başa çatdı
 
Bakı Dövlət Universitetində Atatürkün xatirəsi anılıb
 
Şirvan şəhərindəki məktəblilərə dərsliklər paylanıb
 
"Elektron təhsil" respublika müsabiqəsinə 347 layihə təqdim olunub
 
Ötən ay Təhsil Nazirliyinin "Qaynar xətt" xidmətinə 1003 müraciət daxil olub
 
Tovuzda yeni məktəb binası inşa olunur
 
"Gənclik - bərabər imkanlar" layihəsi çərçivəsində debat keçirilib
 
Mayın 20-də təhsil naziri Misir Mərdanov Misir Ərəb Respublikasının ali təhsil nazirinin birinci müavini  Məhəmməd Cabir Əbu Ali, bu ölkənin Azərbaycandakı fövqəladə və səlahiyyətli səfiri Sabir Əbdülqədir Mənsur və Misir Mədəniyyət Mərkəzinin direktoru Adel Darvişlə görüşüb.
 
İKT üzrə təlimlərə dair təqdimat
 
Bakı təhsilinə həsr olunmuş ilk sərgi
 
Azərbaycan təhsili: yaxın keçmişə, bu günə və gələcəyə bir baxış
 
Braziliyada təhsil
 
Ali məktəb tələbələrinin bədii yaradıcılıq festivalının qalibləri mükafatlandırıldılar
 
Beynəlxalq maliyyə hesabatları standartları ilə bağlı təlimlərə başlanıldı
 
ADU Norveçin Aqder Universiteti ilə əlaqələrini genişləndirir
 
Əcnəbi mütəxəssis tələbə və müəllimlər üçün təqdimat keçirib
 
Xarici tələbələrin məzun günü qeyd olundu
 
Qabaqcıl təhsil işçisi
 
Azərbaycanda jurnalistika tədrisinin inkişafına dair beynəlxalq konfrans
 
Azərbaycan Müəllimlər İnstitutu Fransadan əlavə təhsil sistemini öyrənir
 
Müəllim nüfuzuna həsr olunmuş mətbuat konfransı
 
Pedaqoji fakültənin tələbələri üçün fiziki tərbiyədən ilk dərs vəsaiti
 
Əməkdar müəllim
 
Yeni təlim metodları dərsin səmərəliliyini artırır
 
Blaband kənd məktəbində bir muzey var
 
Zəngilan məktəbində Milli Qəhrəmanla görüş
 
Beynəlxalq musiqi müsabiqəsinin qalibi
 
İbtidai siniflərdə şagirdlər İKT biliklərinə həvəslə yiyələnirlər
 
Xalq şairi Nəriman Həsənzadə ilə görüş
 
Uşaqlara həsr olunmuş kitab
 
Futbol üzrə III respublika çempionatının açılış mərasimi
 
Dünya universitetləri: Fransa Politexnik Məktəbi
 

2007 - 2015-ci illərdə Azərbaycan gənclərinin xarici ölkələrdə təhsil üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010   All Rights Reserved.
Created and supported by
Mehman Shafagatov