Bu il Gəncənin 38 nömrəli orta məktəbinin şagirdləri yeni dərs ilini yeni binada qarşılayacaqlar. Keçən ildən inşasına başlanılmış tədris ocağında artıq son tamamlama işləri görülür.

Məktəbin direktoru Məleykə Bürcəliyeva AzərTAc-a bu barədə məlumat verərək demişdir ki, keçən əsrin ortalarında inşa edilən məktəb binası, demək olar, tam qəzalı vəziyyətə düşmüşdü. Təhsil Nazirliyinin qayğısı və ayırdığı vəsait hesabına artıq kollektiv bu problemi aradan qaldırmışdır. İndi hər şəraiti olan 480 yerlik yeni məktəb binası şagirdləri qarşılamağa hazırdır.