Azərbaycan Respublikası Dövlət Neft Şirkətində
(ARDNŞ) həyata keçirilən təqaüd proqramı
çərçivəsində ölkəmizin ali təhsil
müəssisələrinin tələbələrinə təqaüd verilməsi
üzrə növbəti müsabiqə elan olunmuşdur.
Şirkətin mətbuat xidmətindən verilən məlumata
görə, təqaüd 2010-cu ilin iyul - 2011-ci ilin
yanvar aylarını əhatə edir. Müsabiqədə müəyyən
edilmiş ixtisaslar üzrə müvəffəqiyyətlə oxuyan
tələbələr iştirak edə bilərlər. Təqaüdün aylıq
məbləği 70 manatdır. Müsabiqənin şərtləri ilə
www.socar.az/tehsil.html İnternet səhifəsində
tanış olmaq mümkündür. Müsabiqəyə müraciət
iyulun 1-dən 21-dək həmin İnternet saytı
vasitəsilə "onlayn" rejimdə həyata keçirilir.
Xatırladaq ki, bir müddət əvvəl 2009-2010-cu
tədris ilinin I semestrinin nəticələrinə görə,
140 tələbə ARDNŞ təqaüdünə layiq görülmüşdür.
Proqramın həyata keçirilməsi neft-qaz sənayesinə
aid ixtisaslara qəbul üçün sənəd verənlər
arasında yüksək hazırlıqlı abituriyentlərin
xüsusi çəkisini yüksəltməklə yanaşı, tələbələrin
elmi-praktik biliklərə marağını daha da artırır.
AzərTAc |