Azərbaycan Dövlət Neft Akademiyasında (ADNA) bu ali təhsil ocağının 90 illik yubileyinə həsr olunmuş tələbələrin Beynəlxalq elmi-texniki konfransı oktyabrın 15-də başa çatmışdır.

İki gün davam edən konfransda Azərbaycan alimləri ilə yanaşı, Rusiyanın aparıcı universitetlərinin təmsilçiləri də iştirak etmişdir.

Tədbirin son günündə tələbələrin məruzələrinin müzakirələrinin nəticələri haqqında bölmə rəhbərlərinin hesabatı dinlənilmişdir.

Sonda konfransın bölmələrində məzmunlu məruzələri ilə fərqlənmiş tələbələrə rektorluğun və Tələbə Elmi Cəmiyyətləri Şurasının diplomları, sponsor şirkətlərin təsis etdiyi hədiyyələr və Tələbə Həmkarlar İttifaqı Komitəsinin qiymətli xatirə hədiyyələri təqdim edilmişdir.  

AzərTAc