Azərbaycan Dövlət Mədəniyyət və İncəsənət
Universiteti (ADMİU) beynəlxalq əlaqələrini
ildən-ilə genişləndirir.
Universitetin beynəlxalq əlaqələr üzrə
prorektoru Çingiz Bağırov AzərTAc-a bildirmişdir
ki, hazırda bu ali təhsil ocağında 100-dən çox
əcnəbi vətəndaş müxtəlif ixtisaslar üzrə təhsil
alır. Həmin tələbələrdən 30-u ADMİU-ya bu il
qəbul olunmuşdur. Türkiyə, Kipr, İran və
Türkmənistandan olan bu gənclərin 25 nəfəri
təhsilin bakalavr, 5 nəfəri isə magistratura
pilləsi üzrə oxuyur.
Ç.Bağırov qeyd etmişdir ki, ADMİU indiyədək
dünyanın dörd qabaqcıl ali təhsil müəssisəsi -
Moskva Dövlət Mədəniyyət və İncəsənət
Universiteti, Bolqar Milli Teatr və Kino
Universiteti, Bolqar Milli Rəssamlıq
Akademiyası, Lvov Milli Rəssamlıq Akademiyası
ilə qarşılıqlı əməkdaşlıq haqqında müqavilələr
imzalamışdır. Bağlanmış müqavilələrə əsasən
müəllim və tələbələrin qarşılıqlı təcrübə
mübadiləsi, sərgi, teatr tamaşaları, konsertlər
və elmi-praktiki konfransların keçirilməsi
nəzərdə tutulmuşdur.
AzərTAc |