"Şəfaət Mehdiyevin 100 illik yubileyinin
keçirilməsi haqqında" Azərbaycan Respublikasının
Prezidenti İlham Əliyevin 8 noyabr 2010-cu il
tarixli, 1181 nömrəli Sərəncamının icrasını
təmin etmək məqsədi ilə, habelə Azərbaycan
Respublikası Təhsil Nazirliyi, Azərbaycan
Respublikası Ekologiya və Təbii Sərvətlər
Nazirliyi və Azərbaycan Milli Elmlər
Akademiyasının 30 noyabr 2010-cu il tarixli,
1558 nömrəli qərarı ilə təsdiq edilmiş birgə
Tədbirlər planını nəzərə alaraq
ƏMR EDİRƏM:
1. Görkəmli Azərbaycan alimi,
geologiya-mineralogiya elmləri doktoru,
professor, əməkdar elm xadimi, Dövlət Mükafatı
laureatı, akademik Şəfaət Fərhad oğlu Mehdiyevin
anadan olmasının 100 illik yubileyinin
keçirilməsinə dair Təhsil Nazirliyinin Tədbirlər
planı təsdiq edilsin (əlavə olunur).
2. Ali təhsil müəssisələrinin rəhbərlərinə
Tədbirlər planının icrasının təmin edilməsi və
görülmüş işlər haqqında məlumatın 30 dekabr
2010-cu il tarixədək Təhsil Nazirliyinə təqdim
edilməsi tapşırılsın.
3. İctimaiyyətlə əlaqə şöbəsi (B.Hüseynzadə)
əmrin "Azərbaycan müəllimi" qəzetində dərc
olunmasını təmin etsin.
4. Əmrin çoxaldılıb yerlərə göndərilməsi ümumi
şöbəyə (H.Məhərrəmova) tapşırılsın.
5. Əmrin icrasına nəzarət nazir müavini
İ.Hüseynovaya həvalə olunsun.
Misir MƏRDANOV,
Azərbaycan Respublikasının təhsil naziri
7 dekabr 2010-cu il |