Xəbər
verdiyimiz kimi, Təhsil Nazirliyi AFFA ilə birgə
"Futbol həyatdır" layihəsini həyata keçirir.
Layihədə məqsəd ölkəmizdə futbolu daha da
inkişaf etdirmək, şagirdləri bu populyar idman
növü ilə yaxından tanış etmək və bu sahədə
istedadı olan uşaqları aşkara çıxarmaqdır.
Layihə
çərçivəsində ötən il Bakı şəhərindəki 201, 239
və 240 nömrəli məktəblərin V, VI, VII
siniflərində mütəxəssislərin iştirakı ilə futbol
dərslərinin keçilməsinə başlanmışdır. Futbol
dərslərinə 47 sinif üzrə 1065 şagird cəlb
olunmuş, hər bir şagird idman geyimi, məktəblər
isə futbol dərslərinin yüksək səviyyədə
keçilməsi üçün əyani vəsaitlərlə təmin
edilmişdir.
Futbol
dərslərini aparmaq üçün AFFA tərəfindən məvacibi
ödənilməklə xüsusi məşqçilər ayrılmışdır.
2011-ci ildən
layihəyə Bakının 163, 190, 236 və 269 nömrəli
məktəblərinin də qoşulması nəzərdə tutulub.
2010-cu ildə
ilk dəfə olaraq "Beynəlxalq idman həyəcanı"
layihəsi çərçivəsində Azərbaycanda uşaq
futbolunun inkişafına dəstək məqsədi ilə Böyük
Britaniyanın Premyer Liqasının Uşaq Futbol
Akademiyası ilə birgə "Uşaq futbolunun
inkişafına texniki dəstək - praktik məşğələlər",
"Gənc futbolçuların tədris-məşq prosesinin
təşkili və tərbiyə işinin planlaşdırılması" adlı
tədris-metodiki vəsaitlər hazırlanmışdır.
Y.ƏLİYEV |