1 mart "Ümumdünya Mülki Müdafiə günü" Azərbaycan
Müəllimlər İnstitutunda da qeyd edildi. Tədbiri
giriş sözü ilə institutun rektoru, millət
vəkili, professor Aqiyə Naxçıvanlı açaraq hər il
martın 1-də "Ümumdünya Mülki Müdafiə günü"nün
geniş şəkildə qeyd edilməsindən, bu günün
tarixindən və mahiyyətindən danışdı. O,
tələbələri hər bir fövqəladə hallarda ayıq-sayıq
olmağa çağırdı.
Tədbirdə Mülki müdafiə, tibbi biliklərin
əsasları və fiziki tərbiyə kafedrasının
müəllimi, mayor, dosent Siyavuş Gözəlov
"Müxtəlif xarakterli (hərbi) fövqəladə hallarda
psixoloji hazırlığın təşkili" mövzusunda geniş
məruzə ilə çıxış etdi. O, əyani vəsait kimi
videoçəkilişlərdən fraqmentlər göstərərək
tələbələrdə böyük maraq oyatdı.
Həmin kafedranın müəllimlərindən Faiq Manafov
"Mülki müdafiənin əsas məqsədləri, vəzifələri,
iş və mühafizə üsulları" mövzusunda çıxış etdi.
O, fərdi mühafizə vasitələrindən R-2 tipli
respiratorlarını, ondan istifadə qaydalarını,
həmçinin QP-5, QP-7 əleyhqazlarını da göstərərək
onların hansı şəraitdə istifadə olunmalarından
danışdı.
Kafedranın müəllimi Fatma Şəmiyeva da ilk tibbi
yardımlardan ətraflı şəkildə danışdı və
tələbələr onları əyani şəkildə nümayiş
etdirdilər. |