Bakıdakı
9 nömrəli orta məktəbdə Azərbaycan xalqının
milli bayramı olan Novruz qeyd edildi. İngilis
dilində keçirilən tədbirdə Nəsimi Rayon İcra
Hakimiyyətinin, Bakı Şəhəri üzrə Təhsil
İdarəsinin, BPKİYİ -nin nümayəndələri,
paytaxdakı 5, 42, 292 nömrəli orta məktəblərin
direktorları və digər qonaqlar iştirak edirdilər.
Tədbiri giriş sözü ilə açan məktəbin direktoru
Zinyət Əhmədova qonaqları salamladı və milli
adət-ənənələrimizi özündə yaşadan Novruz bayramı
haqqında məlumat verdi.
Nəsimi Rayon İcra Hakimiyyətinin şöbə müdiri
Xalid Kərimov, Bakı Şəhəri üzrə Təhsil İdarəsi
Metodmərkəzinin Nəsimi-Binəqədi bölməsi üzrə
metodisti Şəhla Kərimova, 292 nömrəli orta
məktəbin direktoru Təranə Qasımova və başqaları
çıxış edərək keçirilən tədbiri yüksək
qiymətləndirdilər. Onlar Azərbaycanın bütün
təhsil işçilərini Novruz bayramı münasibətilə
təbrik edərək, tədbiri hazırlayan məktəbin
müəllim və şagird kollektivinə
minnətdarlıqlarını bildirdilər.
Tədbirdə şagirdlər ingilis dilində Novruz
bayramına aid şeir söylədilər, mahnı oxudular və
ədəbi-bədii kompozisiya nümayiş etdirdilər.
Şakir CƏFƏROV |