London Siti
Universitetinin "Azərbaycan cəmiyyəti"ndən
bildirmişlər ki, martın 23-də bu ali təhsil
ocağında tələbələr birliyinin inkişafına və
dəstəklənməsinə, həmçinin universitetin imicinə
sanballı töhfələr vermiş universitet tələbə
cəmiyyətlərinə və tələbə klublarına illik
mükafatlar təqdim edilmişdir. Müxtəlif
nominasiyalarda mükafatlara sahib olmaq üçün
namizədliyi irəli sürülmüş 50-dən artıq cəmiyyət
və klubun yalnız bir neçəsi mükafat almışdır.
London Siti
Universitetində 2010-cu ilin dekabrında
yaradılmış və qısa vaxt ərzində silsilə
tədbirlər təşkil etmiş "Azərbaycan cəmiyyəti"
2010-cu ildə yaradılmış çoxsaylı digər yeni
cəmiyyətlər arasında "Ən yaxşı yeni cəmiyyət"
kimi mükafatlandırılmışdır.
Universitetin
Tələbələr Birliyinin vitse-prezidenti Rob Skalli
öz çıxışında iştirakçıların fəallığını, onların
keçirdiyi tədbirlərin müxtəlif və məqsədyönlü
olmasını, Tələbələr Birliyinin inkişafına və
London Siti Universitetinin imicinə, dostluq
əlaqələrinin yaradılmasına onların verdiyi böyük
töhfəni vurğulamışdır. Birliyin vitse-prezidenti
çıxışının sonunda "Azərbaycan cəmiyyəti"nin
üzvlərinə daha böyük müvəffəqiyyətlər və yeni
uğurlu layihələr arzulamışdır.
AzərTAc |