|
 Britaniya
Şurası 2011-ci il iyunun 17-26-da Türkiyənin
Bursa şəhəri yaxınlığında yerləşən Uludağda
ingilis dili müəllimləri üçün yay məktəbi
keçirəcək. Metodistlər üçün intensiv (36 saat)
yay məktəbinin əsas məqsədi başlıca məşqçi
vərdişlərinin inkişaf etdirilməsi -
seminarların təşkili, iştirakçıların yığımı,
sessiyaların planlaşdırılması və keçirilməsi,
aparılan işin gedişinin monitorinqi və
qiymətləndirilməsi, müşahidə və əks-əlaqədir.
Əsas diqqət tədrisin ümumi metodikası, sinifdə
şagirdlərlə iş prosesində nəzakət leksikasından
istifadə olunması və s. sahələrdə Britaniya
Şurası tərəfindən hazırlanmış ixtisasartıma
proqramları əsasında treninqləri həyata
keçirəcək texniklərə yönələcək. Sonradan yay
məktəbinin iştirakçıları analoji treninqləri öz
regionlarında keçirə bilərlər.
Qeyd edək ki, yay məktəbində 5 ildən az
olmayaraq müəllimlik stajı olan, müntəzəm
surətdə metodiki seminarlar keçirən, əldə
olunmuş bilik və təcrübəni fəal surətdə digər
həmkarları arasında yayan, əvvəllər yay
məktəblərində iştirak etməmiş şəxslər təmsil
oluna bilər. Yay məktəbində 2 qrupda 40 nəfər -
Türkiyə, Azərbaycan, Rusiya, İsrail, Gürcüstan,
Ukrayna, Qazaxıstan, Serbiya, Albaniya,
Makedoniya, Bosniya, Herseqovina, Çernoqoriya,
Xorvatiya, Kosovo və Özbəkistan nümayəndələri
iştirak edəcək. |
|
