Bu günlərdə NP şirkətinin dəstəyilə
www.sinif.az interaktiv təlim sisteminin
saytında keçirilən "Mənim sinfim" adlı ilk
onlayn bilik müsabiqəsinin qalibləri müəyyən
edildi. Qeyd etmək lazımdır ki, HP şirkəti
təhsil sistemində informasiya-kommunikasiya
texnologiyalarının tətbiqi sahəsində həyata
keçirilən sosial layihələrin icrasına böyük
töhfə vermişdir.
Sinif.az saytının resursları əsasında keçirilən
müsabiqədə hər bir məktəbli pulsuz iştirak edə
bilərdi. Müsabiqə zamanı aşağıda göstərilən
bacarıqlar qiymətləndirilirdi: saytdan istifadə
etmək, onun imkanlarını öyrənmək, məzmununu
təşkil edən fənləri mənimsəmək, müvafiq
testlərdən keçmək.
Müsabiqə iştirakçıların bilik səviyyəsini
müəyyənləşdirməyə və onların təhsillərində
mövcud olan zəif tərəfləri aşkarlamağa imkan
verdi. Maarifləndirici funksiya daşıyan müsabiqə
azərbaycanlı istifadəçilərə distant təhsil
mədəniyyətini aşıladı.
Bilik yarışının nəticəsi olaraq ayrı-ayrı
nominasiyalar üzrə I, II və III yerlərin, eləcə
də 20 həvəsləndirici mükafatın sahibləri müəyyən
olundu.
Müsabiqədə yüksək bilik səviyyəsi və İKT -
bacarığı nümayiş etdirən məktəblilərin adlarını
oxuculara təqdim edirik:
Zeynəb Dadaşova - 6 nömrəli məktəb-lisey, XI
siniflər üçün "Qəbul imtahanlarına hazırlaşıram"
nominasiyası;
Leyla Ağahüseynova - 214 nömrəli tam orta
məktəb, orta məktəb kursu üzrə "Sevdiyim fənn"
nominasiyası;
Üzeyir Ağazadə - 202 nömrəli tam orta məktəb, IX
siniflər üçün "Cəbr və həndəsəni öyrənirəm"
nominasiyası;
Cahangir Ağazadə - 202 nömrəli tam orta məktəb,
məntiqi testlər üzrə "Mənim intellektim"
nominasiyası.
İlk onlayn bilik müsabiqəsinin qaliblərinə HP
noutbuku təqdim olundu. İkinci və üçüncü yerləri
tutan məktəblilər genişzolaqlı simsiz elsell
modemini və müvafiq sertifikatlar əldə etdilər.
Həvəsləndirici yerləri tutan 20 məktəbliyə isə
toplanmış ballar göstərilməklə müvafiq
sertifikatlar təqdim olundu.
Hicran ƏKBƏROVA |