Azərbaycan Respublikasının
Təhsil Qanunu

 

AZƏRBAYCAN RESPUBLİKASI TƏHSİL NAZİRLİYİNİN ORQANI

Ana səhifə Seçilmişlərə əlavə et Bizə yazın

 
 
 Xəbərlər
 
 
 
Rəsmi
 
 
 Heydər Əliyev Fondu
 
 
 
Qanunvericilik
 
 
 
Təhsil Nazirliyində
 
 
 
Pedaqoji yazılar
 
 
 Müsahibələr
 
 
 
İdman
 
 
 
Fotoqalereya
 
 
 Arxiv
 
 
 
Əlaqə

 
 
 

Dünya universitetləri

 
 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 
 
 

 
 
 
 
 
 
 

 
 
 

 
 
 

ARXİV

9 İyun 2011 - �22

 

Qafqaz Universitetində LTE avadanlığı olan yeni rabitə laboratoriyası açılıb

 

"Azercell Telekom" Şirkətinin Qafqaz Universitetində yaratdığı   dünyanın ən son mobil texnologiyası - 4G (LTE) avadanlığı ilə təmin edilmiş yeni rabitə laboratoriyasının iyunun 8-də açılışı oldu. Açılış mərasimində "Azercell Telekom" MMC-nin prezidenti Ali Ağan, təhsil nazirinin müavini Elmar Qasımov, millət vəkilləri Vahid Əhmədov, Məlahət İbrahimqızı, Sevinc Hüseynova, Ceyhun Osmanlı və b. iştirak edirdilər. Rəmzi açılışı bildirən qırmızı lent kəsildikdən sonra qonaqlar laboratoriya ilə tanış oldular. Onlara  məlumat verildi ki, Azercell-in Qafqaz Universitetinə hədiyyəsi olan laboratoriyada mobil rabitədə son üç nəsil texnologiya - 2G (GIM), 3G (WCDMA/UMTS)  və 4G (LTE) radio-baza stansiyaları qurulub. O, nəinki Azərbaycanda, ümumiyyətlə, regionda bu səviyyədə və bu tipdə texnologiya ilə təchiz olunan ilk laboratoriyadır.

Dördüncü nəsil texnologiya sayılan LTE çox yüksək sürətli mobil İnternet - saniyədə 100 Mbit məlumat ötürülməsinə imkan verən şəbəkəyə çıxışı təmin edir. Bu avadanlıq Ericsson şirkəti tərəfindən təchiz olunan sınaq sistemidir. Hazırda dünyada 4G texnologiyasının məhdud dairədə tətbiq olunduğunu nəzərə alsaq, bu sistemin hansı önəm daşıdığını təsəvvür etmək olar.

Laboratoriyanın bir əhəmiyyəti də ondan ibarətdir ki, "Azercell Telekom" MMC buradakı 4G avadanlığı üzərində testləri həyata keçirəcək. Digər tərəfdən, laboratoriya Qafqaz Universitetinin tələbələri qarşısında böyük yaradıcılıq imkanları açır. Çünki texnologiyanın köməyilə bacarıqlı gənclər müxtəlif məzmun və yeni xidmətlər yarada biləcəklər.

Laboratoriyanın açılışı münasibəti ilə mərasim iştirakçılarını təbrik edən "Azercell Telekom" MMC-nin prezidenti Ali Ağan əməkdaşlığa görə Qafqaz Universitetinin rəhbərliyinə, müəllim və  tələbə heyətinə minnətdarlığını bildirdi. Qeyd etdi ki, laboratoriya peşəkar kadrların inkişafına, nəzəri biliklərin təhsildə tətbiqi bacarıqlarının güclənməsinə və ən vacibi ölkədə təcrübəli və savadlı mühəndislərin yetişdirilməsinə şirkətin verdiyi önəmin rəmzidir.

Azərbaycanda təhsilin inkişafına xüsusi diqqət yetirən şirkətin dəstəklədiyi sosial layihələr arasında təhsil sahəsinə aid olanları çoxdur, xüsusilə də telekommunikasiya sahəsində təcrübəli kadrların yetişməsinə kömək edən təşəbbüslərə həmişə mühüm yer verilir.

Qeyd etmək yerinə düşərdi ki, "Azercell" ilə Qafqaz Universiteti arasında çoxillik səmərəli əməkdaşlıq mövcuddur. Universitetin tələbələri şirkətin innovativ Barama layihəsi çərçivəsində araşdırma aparıblar. Onlar həmçinin, "Azercell"-in Tələbə təqaüdü proqramında da iştirak edirlər. Şirkətin mütəxəssisləri məhz Qafqaz Universitetinin tələbələri üçün yeni nəsil texnologiyalar üzrə təlim keçirlər. 

Yusif ƏLİYEV

 
 
Bookmark and Share  
 
Səhifənin başına qalx Nömrənin müdəricatına dön"Xəbərlər" bölməsinə get Səhifənin başına qalx  

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
 

BİZ TORPAQLARIMIZA QAYIDACAĞIQ!

XANKƏNDİ 26.12.1991
XOCALI 26.02.1992
ŞUŞA 08.05.1992
LAÇIN 18.05.1992
XOCAVƏND 02.10.1992
KƏLBƏCƏR 04.04.1993
AĞDƏRƏ 07.07.1993
AĞDAM 23.07.1993
CƏBRAYIL 23.08.1993
FİZULİ 23.08.1993
QUBADLI 31.08.1993
ZƏNGİLAN 29.10.1993
 
 
 
Ermənistanın 1991-1993- cü illər ərzində ölkəmizə hərbi təcavüzü nəticəsində ümumilikdə 288 uşaq baxçası, 799 ümumtəhsil məktəbi, 11 texniki-peşə məktəbi, 1 ali məktəb, 2 ali məktəb filialı, 9 orta ixtisas məktəbi dağıdıldı.
 
 

 

 

2007 - 2015-ci illərdə Azərbaycan gənclərinin xarici ölkələrdə təhsili üzrə
DÖVLƏT PROQRAMI

 

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

 

Azərbaycan Respublikası Təhsil Nazirliyi
KURİKULUM PORTALI

 

Azərbaycan Respublikası
TƏHSİL PORTALI

 Copyright 2011   All Rights Reserved.
Created and supported by
Mehman Shafagatov