Rusiyanın Həştərxan şəhərinin mərkəzində
ümummilli lider Heydər Əliyevin adını daşıyan
orta məktəb fəaliyyət göstərəcəkdir.
İyulun 19-da şəhərin meri və vilayətin Təhsil və
elm məsələləri komitəsi Həştərxanın mərkəzindəki
11 nömrəli ümumtəhsil orta məktəbinə
Azərbaycanın ümummilli lideri, görkəmli dövlət
və ictimai xadim Heydər Əliyevin adının
verilməsi haqqında birgə qərar qəbul etmişlər.
Qərarda bildirilir ki, cari dərs ilində təmir
edilərək dünya təhsil standartlarına
uyğunlaşdırılmış məktəb özünün yeni tikilmiş
korpusu və digər inzibati binaları ilə
şagirdləri qəbul edəcəkdir.
Həştərxan şəhərinin mərkəzindəki ən böyük parkda
ümummilli lider Heydər Əliyevin abidəsi qoyulmuş
və parkın ətrafında böyük istirahət kompleksi
yaradılmışdır. Bu ilin sonuna qədər həmin
istirahət kompleksi ilə Volqa çayının
sahilindəki Birinci Pyotr parkı arasında
"Bakı-Dostluq" körpüsü də inşa ediləcəkdir. Ulu
öndərin adını daşıyan məktəbdə təhsil alacaq
şagirdlər sentyabrda bu məktəbə həmin körpüdən
keçərək gedəcəklər.
Qeyd edək ki, 11 nömrəli məktəb nəinki Həştərxan
şəhəri və vilayətinin, eyni zamanda Rusiya
Federasiyasının ən nümunəvi məktəblərindən
biridir.
AzərTAc |