Azərbaycan Respublikasının
Təhsil Qanunu

 

AZƏRBAYCAN RESPUBLİKASI TƏHSİL NAZİRLİYİNİN ORQANI

Ana səhifə Seçilmişlərə əlavə et Bizə yazın

 
 
 Xəbərlər
 
 
 
Rəsmi
 
 
 Heydər Əliyev Fondu
 
 
 
Qanunvericilik
 
 
 
Təhsil Nazirliyində
 
 
 
Pedaqoji yazılar
 
 
 Müsahibələr
 
 
 
İdman
 
 
 
Fotoqalereya
 
 
 Arxiv
 
 
 
Əlaqə

 
 
 

Dünya universitetləri

 
 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 
 
 

 
 
 
 
 
 
 

 
 
 

 
 
 

ARXİV

5 Avqust 2011 - �30

 

XXIII Beynəlxalq İnformatika Olimpiadasında Azərbaycan məktəblisi bürünc medala layiq görülüb

 

Təhsil Nazirliyindən aldığımız məlumata görə, 2011-ci il iyulun 22-dən 28-dək Tailandın kurort məkanı Pattayada məktəblilərin XXIII Beynəlxalq İnformatika Olimpiadası keçirilib. Azərbaycan komandasının üzvü Azad Salahlı olimpiadada bürünc medala layiq görülüb.

Xatırladaq ki, dünya ölkələrində təhsilin və innovativ təhsil texnologiyalarının inkişafında mühüm rol oynayan Beynəlxalq İnformatika Olimpiadası ilk dəfə 1989-cu ildə keçirilib. Ölkəmiz Beynəlxalq İnformatika Olimpiadasına 1993-cü ildən dəvət alsa da, onda 1994-cü ildən başlayaraq iştirak edir. 1996, 1997, 2004-cü illərdə iştirakçılarımız bürünc, 2003-cü ildə isə gümüş medal qazanıblar. 2004-cü ildən hər il nəticələr daha yaxşı olub. Lakin ildən-ilə olimpiadanın səviyyəsi çətinləşdiyindən xüsusi hazırlıq olmadan burada uğur qazanmaq mümkün deyil.   

XXIII olimpiadada dünyanın 77 ölkəsindən 304 məktəbli iştirak edib. İştirakçı ölkələrin sayına görə Beynəlxalq İnformatika Olimpiadasını yalnız Riyaziyyat Olimpiadası ilə müqayisə etmək olar. Sərf olunan vəsaitə gəlincə isə BİO başqa fənn olimpiadalarını üstələyir. Hazırda YUNESKO-nun himayəsi altında məktəblilər arasında 13 elm sahəsi üzrə Beynəlxalq Olimpiada keçirilir.

Olimpiadanın qaydalarına görə, hər bir komandanın tərkibində dörd məktəbli ola bilər. Əvvəlki illərdə olduğu kimi, bu il də komandamızın tərkibi müəyyənləşdirilərkən informatika üzrə respublika olimpiadasının, proqramlaşdırma üzrə tələbələr arasında keçirilmiş olimpiadanın, beynəlxalq səviyyəli onlayn olimpiadaların nəticələri, o cümlədən şagirdlərin yaşı nəzərə alınmışdır. Sonuncu meyarın mahiyyəti ondan ibarətdir ki, təxminən eyni göstəriciləri olan iki məktəblidən, daha aşağı sinifdə təhsil alan şagirdə üstünlük verilmişdir. Beləliklə, Tailand olimpiadasında ölkəmizi VIII-XI sinif şagirdlərindən ibarət komanda təmsil edirdi. 

Yeri gəlmişkən qeyd edək ki, Azərbaycan məktəblilərinin olimpiadaya hazırlığı AMEA İnformasiya Texnologiyaları İnstitutunun (İTİ) Tədris-İnnovasiya Mərkəzinin nəzdində yaradılmış Olimpiya Mərkəzində aparılmışdır. Azərbaycan Respublikası Prezidenti Administrasiyası, Təhsil Nazirliyi, AMEA İnformasiya Texnologiyaları İnstitutunun və "İnfomas" ictimai birliyinin elmi-metodiki və təşkilati, Rabitə və İnformasiya Texnologiyaları Nazirliyinin maliyyə dəstəyi ilə olimpiadaya hazırlıq dərsləri İTİ, BDU və digər ali təhsil müəssisələrinin aparıcı alim və mütəxəssisləri tərəfindən aparılmışdır. Komanda üzvlərinə "Kombinatorika", "Ehtimal nəzəriyyəsi", "Qraflar nəzəriyyəsi" və riyaziyyatın digər sahələri üzrə mühazirə və məşğələlər keçirilmişdir. İyun ayının 1-dən iyul ayının 17-dək davam etmiş treninqlər Bakı Dövlət Universitetinin dosenti, Beynəlxalq İnformatika Olimpiadasında Azərbaycan komandasının rəhbəri Ramin Mahmudzadənin rəhbərliyi altında aparılmışdır.

Məlumat üçün onu da bildirək ki, ölkəmizin Beynəlxalq İnformatika Olimpiadasında iştirakı Azərbaycan Respublikasının Təhsil Nazirliyinin olimpiada tədbirləri sisteminə daxil edilib. Beynəlxalq Olimpiadanın Təşkilat Komitəsinin rəsmi dəvəti əsasında Azərbaycan Respublikasının təhsil naziri respublika yığma komandasının olimpiada yarışlarına göndərilməsi haqqında əmr imzalayır. Əmrdə respublika komandasının tərkibi və olimpiadada iştirakla bağlı maliyyə xərclərinin ödənilməsi qaydası müəyyən olunur. Hər bir iştirakçı ölkənin nümayəndə heyəti tərkibinə komandanın rəhbəri, onun müavini və 4 şagird daxil ola bilər. Nümayəndə heyətinin tərkibinə əlavə olaraq başqa şəxslər də (iştirakçıların məşqçiləri, informasiya sahəsində məsləhətçi və mütəxəssislər və s.) daxil edilə bilər.

Beynəlxalq İnformatika Olimpiadası hər il keçirilir. Hazırda 2015-ci il də daxil olmaqla növbəti olimpiadaların keçiriləcəyi ölkələr müəyyənləşdirilib. Növbəti XXIV Beynəlxalq İnformatika Olimpiadası 22-29 sentyabr 2012-ci il tarixində İtaliyada keçiriləcək. Sentyabr ayından Ramin Mahmudzadənin rəhbərliyi ilə istedadlı şagirdlərin seçiminə başlanılacaq. Oktyabr ayından olimpiadaya qədər həmin şagirdlərlə hazırlıq aparılacaq.  

Yusif ƏLİYEV

 
 
Bookmark and Share  
 
Səhifənin başına qalx Nömrənin müdəricatına dön"Xəbərlər" bölməsinə get Səhifənin başına qalx  

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
 

BİZ TORPAQLARIMIZA QAYIDACAĞIQ!

XANKƏNDİ 26.12.1991
XOCALI 26.02.1992
ŞUŞA 08.05.1992
LAÇIN 18.05.1992
XOCAVƏND 02.10.1992
KƏLBƏCƏR 04.04.1993
AĞDƏRƏ 07.07.1993
AĞDAM 23.07.1993
CƏBRAYIL 23.08.1993
FİZULİ 23.08.1993
QUBADLI 31.08.1993
ZƏNGİLAN 29.10.1993
 
 
 
Ermənistanın 1991-1993- cü illər ərzində ölkəmizə hərbi təcavüzü nəticəsində ümumilikdə 288 uşaq baxçası, 799 ümumtəhsil məktəbi, 11 texniki-peşə məktəbi, 1 ali məktəb, 2 ali məktəb filialı, 9 orta ixtisas məktəbi dağıdıldı.
 
 

 

 

2007 - 2015-ci illərdə Azərbaycan gənclərinin xarici ölkələrdə təhsili üzrə
DÖVLƏT PROQRAMI

 

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

 

Azərbaycan Respublikası Təhsil Nazirliyi
KURİKULUM PORTALI

 

Azərbaycan Respublikası
TƏHSİL PORTALI

 Copyright 2011   All Rights Reserved.
Created and supported by
Mehman Shafagatov