Xaricdə
Təhsil Alan və Məzun Olmuş Azərbaycanlı Gənclər
Təşkilatının (ASAİF) fəalları, idarə heyətinin
və məclisin üzvləri Azərbaycan Respublikasının
Prezidenti yanında Strateji Araşdırmalar
Mərkəzində (SAM) Prezident Administrasiyasının
siyasi təhlil və informasiya təminatı şöbəsinin
müdiri Elnur Aslanov ilə görüşmüşlər.
SAM-dan
AzərTAc-a bildirmişlər ki, ASAİF-i 10-dan çox
ölkədən 30 gənc təmsil etmişdir. Görüşdə hər
ilin avqustunda keçirilən xaricdə təhsil alan və
məzun olmuş gənclərin yay forumunun təşkili ilə
bağlı məsələ müzakirə edilmişdir. Bundan əlavə,
gənclərin müxtəlif ölkələrdə keçirdiyi
tədbirlərə dövlət dəstəyinin artırılması,
gənclərimizin lobbiçilik fəaliyyətinin daha da
gücləndirilməsi barədə də faydalı dialoq
aparılmışdır.
Görüşdə
E.Aslanov Prezident İlham Əliyevin Azərbaycanda
insan kapitalının inkişafına verdiyi
dəstəyindən, "Azərbaycan gəncliyi 2011-2015-ci
illərdə" Dövlət Proqramından və ondan irəli
gələn məsələlərdən danışmışdır. Şöbə müdiri son
bir ildə ASAİF-in və onun üzvlərinin keçirdiyi
tədbirləri qeyd etmiş, təkliflərini
bildirmişdir.
Ayrı-ayrı
ölkələri təmsil edən tələbələr oxuduqları
universitetlərdə Azərbaycan ilə bağlı
keçirdikləri tədbirlərdən, üzləşdikləri
çətinliklərdən danışmışlar. Tələbələr gələcək
planları haqqında da məlumat vermiş, müxtəlif
təkliflər irəli sürmüşlər.
Sonda avqustun
26-da keçirilməsi nəzərdə tutulan xaricdə təhsil
alan və məzun olmuş gənclərin növbəti yay forumu
ilə bağlı müzakirələr aparılmışdır. E.Aslanov
gənclərin suallarını cavablandırmışdır.
Görüşdə Milli
Məclisin deputatı Ceyhun Osmanlı da iştirak
etmişdir. |