|
Azərbaycan Respublikasının Prezidenti İlham
Əliyevin təsdiq etdiyi "2011-2013-cü illərdə
Bakı şəhəri və onun qəsəbələrinin
sosial-iqtisadi inkişafına dair Dövlət Proqramı"
çərçivəsində Bakıdakı 151 və 292 nömrəli orta
məktəblərdə Bakı Şəhər İcra Hakimiyyəti
tərəfindən tam əsaslı təmir işləri görülür və
yardımçı sinif otaqları tikilir.
151 nömrəli orta məktəbin direktoru Kifayət
Tanrıverdiyeva bildirir ki, hazırda 160 şagird
yerlik əlavə 8 sinif otağının tikintisi gedir və
bütün bu işlər sentyabr ayının 15-nə kimi tam
yekunlaşacaq.
292 nömrəli orta məktəbin direktoru Təranə
Qasımova isə dedi ki, artıq məktəbin dam örtüyü
dəyişdirilib, qapılar, pəncərələr, su sistemi
yenisi ilə əvəz edilib və digər sahələrdə də
ciddi iş gedir.
Görülmüş işlərdən razılıq edən valideynlər və
pedaqoji kollektiv məktəbdə yaradılan
şəraitə, göstərilən diqqət və qayğıya görə
ölkə başçısına təşəkkürlərini bildirirlər.
Şakir CƏFƏROV |
