Son
illər dövlət başçısının həyata keçirdiyi uğurlu
sosial-iqtisadi siyasət nəticəsində bütün
sahələrdə olduğu kimi, təhsil sahəsində də
Zaqatalada çox böyük irəliləyişlərə nail olunmuş,
təhsilin maddi-texniki bazasının
möhkəmləndirilməsi istiqamətində mühüm tədbirlər
həyata keçirilməkdədir.
Zaqatala RTŞ-ın müdiri Habil Qurbanovun verdiyi
məlumatda bildirilir ki, rayonda 2494 uşağı
əhatə edən 39 məktəbəqədər tərbiyə müəssisəsi
fəaliyyət göstərir. RTŞ-ın xətti ilə ildə 2 dəfə
hər yaş qrupu tərbiyəçiləri, musiqi rəhbərləri
və tibb bacıları ilə metodbirləşmə yığıncaqları
keçirilir. Müəssisə rəhbərləri ilə ayda bir
dəfə seminarlar keçirilir, orada müəssisədaxili
nəzarətə aid mövzular haqqında fikir mübadiləsi
aparılır. Bağçalarda istedadlı uşaqlarla iş
aparılır, müsabiqələr, sərgilər, yarışlar təşkil
edilir. Məktəbəqədər təhsildə daha uğurlu
nəticələr qazanmaq üçün müasir tələblərə cavab
verən şəraitin olması əsas şərtlərdəndir.
Məhz
elə
bunun nəticəsidir ki, möhtərəm Prezidentimiz
İlham Əliyevin, YUNESKO-nun və İSESKO-nun
xoşməramlı səfiri, millət vəkili Mehriban xanım
Əliyevanın diqqət və qayğısı nəticəsində
məktəbəqədər təhsilin məzmunu, forma və
metodlarında milli mənəvi dəyərlərə əsaslanaraq
ciddi dəyişikliklər aparılır.
H.Qurbanovun verdiyi məlumatda o da vurğulanır
ki, məktəbəqədər təhsil müəssisələrinin təmiri
ilə əlaqədar ölkə Prezidenti İlham Əliyevin
ayırdığı vəsait hesabına Zaqatala şəhər 1,4, 7
və 10 nömrəli uşaq bağçalarında əsaslı təmir,
yenidənqurma işləri aparılmış, yeni
avadanlıqlarla təchiz edilərək cari dərs ilində
körpə balaların ixtiyarına verilmişdir. Bu da,
əlbəttə, uşaqlara olan yüksək diqqət və qayğının
təzahürüdür.
ƏDALƏT |
|