Azərbaycan Respublikasının
Təhsil Qanunu

 

AZƏRBAYCAN RESPUBLİKASI TƏHSİL NAZİRLİYİNİN ORQANI

Ana səhifə Seçilmişlərə əlavə et Bizə yazın

 
 
 Xəbərlər
 
 
 
Rəsmi
 
 
 Heydər Əliyev Fondu
 
 
 
Qanunvericilik
 
 
 
Təhsil Nazirliyində
 
 
 
Pedaqoji yazılar
 
 
 Müsahibələr
 
 
 
İdman
 
 
 
Fotoqalereya
 
 
 Arxiv
 
 
 
Əlaqə

 
 
 

Dünya universitetləri

 
 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 
 
 

 
 
 
 
 
 
 

 
 
 

 
 
 

ARXİV

14 Oktyabr 2011 - 40

 

Yaponiya hökumətinin proqramı çərçivəsində peşə təhsili ilə bağlı ilk layihə həyata keçiriləcək

 

Oktyabrın 13-də Təhsil Nazirliyində Yaponiya hökumətinin "Ot Kökləri və İnsan Təhlükəsizliyi Qrant Yardımı Proqramı" çərçivəsində "Bakının 2 nömrəli peşə liseyində çilingər və dülgər kursları üzrə peşə təhsili şəraitinin yaxşılaşdırılması" layihəsi ilə bağlı qrant müqaviləsinin imzalanması mərasimi keçirildi.

Tədbiri "Azərbaycan Gənc Maarifçilər" təşkilatının  sədri Ruhiyyə Aslanova açaraq təmsil etdiyi qurumun Təhsil Nazirliyi və Yaponiyanın ölkəmizdəki səfirliyi ilə əməkdaşlığından söz açdı. Təşkilatın sədri onlara göstərdiyi dəstəyə görə Təhsil Nazirliyinə və Yaponiyanın ölkəmizdəki  səfirliyinə öz təşəkkürünü bildirdi.

Çıxış üçün söz alan təhsil naziri Misir Mərdanov Yaponiya hökumətinin Azərbaycanda artıq 10 ildən çoxdur ki, qrant layihələrin, proqramların həyata keçirdiyini bildirdi. Bu gün imzalanacaq qrant müqaviləsinin peşə təhsili ilə bağlı ilk həyata keçiriləcək layihə olduğunu söyləyən nazir onun hazırlanmasında əməyi keçən bütün şəxslərə minnətdarlıq etdi. Layihə barədə ətraflı məlumat verən təhsil naziri bildirdi ki, əsas məqsəd Bakıdakı 2 nömrəli peşə liseyində çilingər və dülgər kurslarında təhsil şəraitini yaxşılaşdırmaq üçün emalatxananı təmir edərək şagirdləri yaş qruplarına görə müvafiq avadanlıqlarla təmin etməkdir. Layihədən 140 şagird və 40 nəfərlik pedaqoji heyət faydalanacaq. Bütövlükdə "Ot Kökləri və İnsan Təhlükəsizliyi Qrant Yardımı Proqramı"nın əhəmiyyətinə toxunan nazir Misir Mərdanov adıçəkilən layihə də daxil olmaqla bu vaxta qədər layihələr üzrə imzalanmış müqavilələrin sayının 147, ümumi dəyərinin isə 11 milyondan artıq ABŞ dolları təşkil etdiyini söylədi.

Yaponiya xalqının yüksək mədəni dəyərlərə malik olduğunu qeyd edən təhsil naziri ölkələrimiz arasında elm və təhsil sahəsində əməkdaşlığın genişləndirilməsinin və inkişaf etdirilməsinin vacibliyini diqqətə çatdırdı. Bildirildi ki, Azərbaycanın təhsil işçilərinin Yaponiyaya səfərinin təşkil olunması, həmin ölkənin təhsili ilə tanışlıq, əldə edilən təcrübənin  bizim təhsilimizə tətbiqi son nəticədə öz müsbət faydasını verə bilər.

Səfirliyin fəaliyyətindən razılıqla danışan nazir Misir Mərdanov çıxışının sonunda Yaponiya hökumətinin ölkəmizdə təhsillə bağlı həyata keçirdiyi  işləri yüksək qiymətləndirdi.

Yaponiyanın ölkəmizdəki fövqəladə və səlahiyyətli səfiri Şusuke Vatanabe ünvanlarına belə xoş sözlər söylədiyinə görə təhsil naziri Misir Mərdanova təşəkkürünü bildirdi. Azərbaycanın Yaponiya üçün dost ölkə sayıldığını deyən səfir ölkəmizlə iqtisadi, həmçinin təhsil sahəsində əməkdaşlığa hər zaman hazır olduqlarını qeyd etdi. Yaponiyanın peşə təhsili haqqında danışan cənab Şusuke Vatanabe orada peşə məktəblərini bitirən gənclərin hazırlıqlı mütəxəssislər kimi çalışdıqlarını söylədi.  Azərbaycanın da inkişaf etmiş bir ölkə olduğunu deyən  və burada yüksək ixtisaslı mütəxəssislər hazırlanmasının vacibliyinə toxunan səfir belə layihələrin həyata keçirilməsini dəstəklədiklərini bildirdi.

Sonra Yaponiyanın ölkəmizdəki  fövqəladə və səlahiyyətli səfiri cənab Şusuke Vatanabe  və "Azərbaycan Gənc Maarifçilər" təşkilatının sədri Ruhiyyə Aslanova Yaponiya hökumətinin "Ot Kökləri və İnsan Təhlükəsizliyi Qrant Yardımı Proqramı" çərçivəsində "Bakının 2 nömrəli peşə liseyində çilingər və dülgər kursları üzrə peşə təhsili şəraitinin yaxşılaşdırılması" layihəsi ilə bağlı qrant müqaviləsini imzaladılar.    

Samirə KƏRİMOVA

 
 
Bookmark and Share  
 
Səhifənin başına qalx Nömrənin müdəricatına dön"Təhsil nazirliyində" bölməsinə get Səhifənin başına qalx  

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
 

BİZ TORPAQLARIMIZA QAYIDACAĞIQ!

XANKƏNDİ 26.12.1991
XOCALI 26.02.1992
ŞUŞA 08.05.1992
LAÇIN 18.05.1992
XOCAVƏND 02.10.1992
KƏLBƏCƏR 04.04.1993
AĞDƏRƏ 07.07.1993
AĞDAM 23.07.1993
CƏBRAYIL 23.08.1993
FİZULİ 23.08.1993
QUBADLI 31.08.1993
ZƏNGİLAN 29.10.1993
 
 
 
Ermənistanın 1991-1993- cü illər ərzində ölkəmizə hərbi təcavüzü nəticəsində ümumilikdə 288 uşaq baxçası, 799 ümumtəhsil məktəbi, 11 texniki-peşə məktəbi, 1 ali məktəb, 2 ali məktəb filialı, 9 orta ixtisas məktəbi dağıdıldı.
 
 

 

 

2007 - 2015-ci illərdə Azərbaycan gənclərinin xarici ölkələrdə təhsili üzrə
DÖVLƏT PROQRAMI

 

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

 

Azərbaycan Respublikası Təhsil Nazirliyi
KURİKULUM PORTALI

 

Azərbaycan Respublikası
TƏHSİL PORTALI

 Copyright 2011   All Rights Reserved.
Created and supported by
Mehman Shafagatov