Azərbaycan Respublikasının
Təhsil Qanunu

 

AZƏRBAYCAN RESPUBLİKASI TƏHSİL NAZİRLİYİNİN ORQANI

Ana səhifə Seçilmişlərə əlavə et Bizə yazın

 
 
 Xəbərlər
 
 
 
Rəsmi
 
 
 Heydər Əliyev Fondu
 
 
 
Qanunvericilik
 
 
 
Təhsil Nazirliyində
 
 
 
Pedaqoji yazılar
 
 
 Müsahibələr
 
 
 
İdman
 
 
 
Fotoqalereya
 
 
 Arxiv
 
 
 
Əlaqə

 
 
 

Dünya universitetləri

 
 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 
 
 

 
 
 
 
 
 
 

 
 
 

 
 
 

ARXİV

21 Oktyabr 2011 - 41

 

NDU-nun tələbələri SİFE dünya çempionatından kubokla qayıdıblar

 

Muxtar respublikamızda təhsilə göstərilən dövlət qayğısı sayəsində əldə edilən uğurların miqyası getdikcə artmaqdadır. Artıq 4 ildir ki, Naxçıvan Dövlət Universitetinin tələbələri Tələbələr Azad Sahibkarlıq Fəaliyyətində (SİFE) beynəlxalq tələbə proqramı üzrə Bakı şəhərində keçirilən milli çempionatlarda, regional yarışmalarda iştirak edir və hər il yüksək nəticələr nümayiş etdirir.

Son iki ildə isə universitetin SİFE komandası ardıcıl olaraq 2 dəfə ölkə çempionu adını qazanaraq ölkəmizi dünya çempionatında təmsil etmiş və xarici ölkələrin tanınmış universitetləri ilə bir sırada öz bilik və bacarıqlarını nümayiş etdirmişlər.

Sevindirici haldır ki, 2011-ci ilin mayında Bakıda keçirilən SİFE VI Respublika Çempionatında da NDU-nun komandası 1-ci yerə layiq görülmüş, ölkə çempionu kimi Malayziyanın paytaxtı Kuala Lumpur şəhərində keçiriləcək SİFE Dünya Çempionatında Azərbaycanı təmsil etmək hüququ qazanmışdır.

SİFE Dünya Kuboku uğrunda yarışmalarda iştirak etmək üçün iqtisad üzrə fəlsəfə doktoru, dosent Müslüm Cabbarzadənin rəhbərliyi ilə NDU-nun 16 nəfərdən ibarət olan komanda oktyabrın 1-də Malayziyanın paytaxtı Kuala Lumpur şəhərinə yola düşmüşdür.

Dünyanın 40-a yaxın ölkəsinin ən nüfuzlu universitetlərinin iştirak etdiyi Dünya Çempionatının əsas yarışları 3-5 oktyabr tarixlərində baş tutmuşdur. Oktyabrın 3-də Kuala Lumpur Konvensiya mərkəzində yarışların rəsmi açılış mərasimi keçirilmişdir. Elə həmin gün bütün iştirakçı ölkələrin milli mədəniyyətlərinin nümayiş olunduğu təntənəli mərasim təşkil olunmuşdur. Naxçıvan Dövlət Universiteti tərəfindən Azərbaycanın tarixini, mədəniyyətini, milli xüsusiyyətlərini, kulinariyasını əks etdirən zövqlə hazırlanmış guşə iştirakçılar tərəfindən böyük  maraqla qarşılanmışdır. Milli geyimdə olan tələbələrimiz ölkəmizə aid guşəyə yaxınlaşan digər millətlərin nümayəndələrinə Azərbaycan haqqında, milli dəyərlərimiz, adət-ənənələrimiz barədə ətraflı məlumatlar vermiş, milli musiqi və rəqslərimizi nümayiş etdirmişlər. Eyni zamanda tələbələrimiz digər ölkələrin milli mədəniyyətləri ilə tanış olmaq imkanı əldə etmişlər.

Mədəniyyət tədbiri başa çatdıqdan sonra SİFE Dünya Çempionatının rəsmi açılış mərasimi keçirilmişdir. Mərasimdə Malayziyanın xarici ticarət naziri, digər dövlət rəsmiləri, nüfuzlu şirkətlərin rəhbərləri iştirak etmişlər.   Açılış mərasimində iştirakçı komandaların qruplara bölünməsi üçün püşkatma keçirilmişdir. Püşkatmanın nəticələrinə görə, dünya çempionatının qrup mərhələsində komandamız 2009 və 2010-cu illərin çempionu olmuş Misir, 2005-ci ilin çempionu olmuş Zimbabve, Hollandiya, Qırğızıstan kimi güclü rəqiblərlə mübarizə aparmalı olmuşdur. Bu mərhələdə komandamız tərəfindən hazırlanmış 4 biznes layihəsi münsiflər heyətinin diqqətinə təqdim edilmişdir. Birinci mərhələnin yekununda komandamızın çıxışı yüksək dəyərləndirilmiş və III yerə layiq görülmüşdür. Bu, Azərbaycan komandalarının SİFE Dünya Çempionatında göstərdiyi ilk ən yüksək nəticə kimi əhəmiyyətli hadisədir.  Yekun nəticələrə görə isə komandamız Mərkəzi Asiya və Cənubi Qafqaz ölkələri arasında ilk yerdə təmsil olunmuş, Fransa, Braziliya, Yaponiya, Koreya, Meksika, Hollandiya, Polşa, Avstraliya, Seneqal, Tunis və digər ölkələrin komandalarından irəlidə olmuş, İngiltərə, Kanada, Ukrayna, Yeni Zelandiya, Nigeriya, Mərakeş komandaları ilə eyni pillədə yer almışdır.

Oktyabrın 4-də yarışların birinci mərhələsinin bağlanış mərasimində komandamıza kubok, diplom və mükafatlar təqdim edilmişdir.

Qeyd edək ki, yarışların final mərhələsinin nəticələrinə görə Almaniya komandası 2011-ci ilin SİFE çempionu adına layiq görülmüşdür.

Komandamızın Malayziya səfəri həm də müxtəlif xarici şirkətlərin, biznes strukturlarının rəhbərləri, rəsmi şəxslər, xarici ölkə universitetlərinin müəllim və tələbələri ilə görüşlərin təşkili ilə də yaddaqalan olmuşdur. Oktyabrın 5-də NDU-nun SİFE komandasının üzvləri Azərbaycan Respublikasının Malayziyadakı səfirliyində olmuşdur. Azərbaycan Respublikasının Malayziyadakı fövqəladə və səlahiyyətli səfiri Tahir Kərimov yarışda iştirak edən heyəti qəbul etmiş, yüksək nəticə göstərməsi münasibətilə komandamızı təbrik etmişdir. Bütün səfər ərzində səfirlik komandamızı diqqətdən kənarda qoymamış, lazım olan hər cür köməyi göstərmişdir.

Yarışdan sonra komandamızın üzvləri Kuala Lumpur şəhərinin bir çox tarixi və turizm əhəmiyyətli yerləri ilə tanış olmuşlar.

Naxçıvan Dövlət Universitetinin SİFE komandasının fəaliyyət göstərdiyi 4 il ərzində belə yüksək nəticələr əldə etməsi Naxçıvanda ali təhsilin inkişaf səviyyəsini göstərən və gələcək iqtisadçıların, sahibkarlıq fəaliyyəti ilə məşğul olan yeni nəslin formalaşmasını nəzərə çatdıran əhəmiyyətli hadisədir. 

Nərmin CƏFƏROVA,
NDU-nun Mətbuat  şöbəsinin əməkdaşı

 
 
Bookmark and Share  
 
Səhifənin başına qalx Nömrənin müdəricatına dön"Xəbərlər" bölməsinə get Səhifənin başına qalx  

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
 

BİZ TORPAQLARIMIZA QAYIDACAĞIQ!

XANKƏNDİ 26.12.1991
XOCALI 26.02.1992
ŞUŞA 08.05.1992
LAÇIN 18.05.1992
XOCAVƏND 02.10.1992
KƏLBƏCƏR 04.04.1993
AĞDƏRƏ 07.07.1993
AĞDAM 23.07.1993
CƏBRAYIL 23.08.1993
FİZULİ 23.08.1993
QUBADLI 31.08.1993
ZƏNGİLAN 29.10.1993
 
 
 
Ermənistanın 1991-1993- cü illər ərzində ölkəmizə hərbi təcavüzü nəticəsində ümumilikdə 288 uşaq baxçası, 799 ümumtəhsil məktəbi, 11 texniki-peşə məktəbi, 1 ali məktəb, 2 ali məktəb filialı, 9 orta ixtisas məktəbi dağıdıldı.
 
 

 

 

2007 - 2015-ci illərdə Azərbaycan gənclərinin xarici ölkələrdə təhsili üzrə
DÖVLƏT PROQRAMI

 

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

 

Azərbaycan Respublikası Təhsil Nazirliyi
KURİKULUM PORTALI

 

Azərbaycan Respublikası
TƏHSİL PORTALI

 Copyright 2011   All Rights Reserved.
Created and supported by
Mehman Shafagatov