Bakı
Şəhəri üzrə Təhsil İdarəsinin müvafiq əmrinə
əsasən dekabr ayı paytaxtın ümumtəhsil
məktəblərində "Riyaziyyat aylığı" elan edilib.
Bakıdakı 111 nömrəli orta məktəbin direktoru
Jalə Hacıyeva bildirir ki, təhsil ocağında "Riyaziyyat
aylığı"na start verilib. Məktəbin foyesində
riyaziyyata aid divar qəzetləri, bülletenlər,
şagirdlər tərəfindən hazırlanmış referatlar,
görkəmli şəxsiyyətlərin riyaziyyat elmi haqqında
deyimləri və aforizmlər öz əksini tapıb.
Aylıq çərçivəsində məktəbdə riyaziyyatdan "açıq
dərs"lər keçirilib. "Dəyirmi masa" arxasında
riyaziyyatçı alim və dərslik müəllifləri ilə
görüşlər olub. Görüşdə Bakı Şəhəri üzrə Təhsil
İdarəsinin məsləhətçısi Yaqut Məmmədova, Nəsimi-Binəqədi
metodmərkəzinin metodisti Sədaqət Musayeva və
b. iştirak ediblər.
Riyaziyyat üzrə dərslik müəllifi, professor
Sabir Mirzəyev, riyaziyyatçı alimlərdən Əlikram
Məmmədov, Zeyvər Nuriyev, Nizami Şixəliyev və
Əhliman Verdiyev "açıq dərs"lərdə iştirak
edərək müəllimlərə öz metodiki tövsiyələrini
veriblər.
Şakir CƏFƏROV |