|
 Günay
Məmmədzadə 1 nömrəli İxtisaslaşdırılmış Olimpiya
Ehtiyatları Uşaq-Gənclər Şahmat - Dama İdman
Məktəbinin yetirməsidir.
Günay 2000-ci ildə Bakıda ziyalı ailəsində
anadan olub. O, 6 yaşından şahmatla məşğul
olmağa başlayıb. G.Məmmədzadə çalışqanlığı və
istedadı ilə müəllimlərinin diqqətini cəlb edir
və çox keçmir ki, uğurları hamını sevindirir.
İstər təhsil aldığı Bakıdakı 6 nömrəli "İntellekt"
liseyində, istərsə də şahmat məktəbində nizam-intizamı
və çalışqanlığı ilə yaşıdlarından fərqlənən
Günay dünya və Avropa çempionu olmaq,
bayrağımızı beynəlxalq səviyyəli yarışlarda uca
tutmağı öz qarşısına məqsəd qoymuşdur.
Günay uğurları haqqında bunları dedi:
-Mən 2007-ci ildə Türkiyənin Antalya şəhərində 8
yaşlı qızlar arasında keçirilən dünya
çempionatında II yerə layiq görülmüşəm. Bundan
başqa 2008-ci ildə isə Gürcüstanın Batumi
şəhərində keçirilən Avropa çempionatında I yeri
tutmuşam. Həmin il Vyetnamın Vanktau şəhərində
keçirilən dünya çempionatında III yerə çıxmışam.
2009-cu ildə isə Türkiyənin Antalya şəhərində 9
yaşlı qızlar arasında keçirilən dünya
çempionatında 11 turdan 10 xal yarım yığaraq I
yerə layiq görülmüşəm. 2010-cu ildə isə 10 yaşlı
qızlar arasında Azərbaycan 2-si olmuşam.
Bu il mənim həyatımda çox uğurlu il oldu.
Sevincli hadisələrdən biri yenə də Azərbaycan
çempionu adını qazanmağımdır. Arzu edirəm ki,
2012-ci il mənə və xalqımıza yola saldığımız
ildən də düşərli və müvəffəqiyyətli il olsun.
Qarşıdan gələn Yeni il və 31 dekabr - Dünya
Azərbaycanlılarının Həmrəylik Günü münasibəti
ilə Azərbaycan xalqını təbrik edir, sülh və
əminamanlıq arzulayıram. |
