ADU-da
universitetin gənc doktorant və dissertantlarla görüş
keçirildi. Universitetin rektoru, millət vəkili,
professor Səməd Seyidov çıxış edərək bu ali məktəbin
tarixində doktorant və dissertantlarla çoxsaylı
görüşlərin keçirildiyini qeyd etdi. ADU-nun elmi
potensialının ildən-ilə artdığını deyən S.Seyidov məhz
bunun nəticəsində də elmə gənc kadrların axın etdiyini
bildirdi. Qeyd edildi ki, Azərbaycan öz müstəqilliyini
əldə etdikdən sonra elmin inkişafı əsas istiqamətlərdən
biri oldu. İstər ölkədə, istərsə də ADU-da elmlə məşğul
olan şəxsin həm də ölkəmizin xaricdə tanınması üçün
mühit yaradılmasına çalışdıqlarını söyləyən rektor dedi
ki, əsas məqsəd həm də alimin geniş miqyasda
tanınmasıdır. Müasir alimin bir dillə kifayətlənməli
olmadığını deyən S.Seyidov alimin bütün sahələrlə
maraqlanmasının vacibliyini vurğuladı, gənc dissertant
və doktorantlara uğurlar arzuladı.
Sonra qəbul imtahanlarında yüksək bal toplamış
doktorantlara vəsiqələr verildi və
kitablar hədiyyə edildi. Doktorantlar -
Günel Xəlilova və Nigar Əliyeva çıxış edərək yaradılan
şəraitə görə universitet rəhbərliyinə təşəkkür etdilər,
elmdə yenilik etməyə çalışacaqlarını bildirdilər.
ADU-nun professorları Əfqan Abdullayev, Fəxrəddin
Veysəlli, Azad Məmmədov, dosent Mehbarə Qayıbova çıxış
edərək doktorant və dissertantlara uğurlar arzuladılar,
onlara dəyərli tövsiyələrini verdilər.
Sonda ADU-nun elmi işlər üzrə prorektoru, professor
Dünyamin Yunusov doktorant və dissertantların görəcəyi
işlər barədə məlumat verdi.
Rəşad ZİYADOV |