Sumqayıt Şəhər Təhsil Şöbəsinin Veteranlar Şurası ilə çağırışçı gənclərin görüşü bir ənənə şəklini alıb.

Bu günlərdə şəhər hərbi komissarlığında Sumqayıt məktəblərində çalışan gənclərin çağrışaqədərki hərbi hazırlıq müəllimləri çağırışçı gənclər və onların valideynləri ilə görüşüblər.

Tədbirdə Sumqayıt şəhər hərbi komissarı vəzifəsini icra edən, Qarabağ müharibəsi veteranı, polkovnik-leytenant Allahverdi Qasımov, səhər Veteranlar Şurasının sədri, əməkdar müəllim Leyla Qasımzadə və səhər təhsil şöbəsi veteranlar şurasının sədri Məcid Zeynalov çağırışçı gənclər qarşısında Vətənə məhəbbət, ana torpağa bağlılıq, düşmənə nifrət ruhlu çıxışlar ediblər.

Görüşdə şəhər 3, 5, 8, 9, 14, 29, 35, 36 nömrəli tam orta məktəblərin müəllimləri Mübariz Muradov, Hətəm Mahmudov, Rövşən Əliyev, Vaqif Dadaşov, Zeynəddin Yusifov, Sahib Əliyev, Tofiq Zeynalov, Telman Məmmədov, Faiq Məmmədcanov və valideynlər Yadigar Əliyev, Qalib Qazıyev  və başqaları çıxış edərək hərbi xidmətə yola salınan gənclərə Vətənin keşiyində ayıq-sayıq dayanmalarını tövsiyə ediblər.

Mərasimdə çıxış edən çağırışçı gənclər valideynlərinin, sumqayıtlı gənclərin adını uca tutacaqlarına və orduda nümunəvi xidmət edəcəklərinə söz veriblər. 

ƏDALƏT