Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

3 Fevral 2012 - №5

 

Azərbaycan hökuməti ödənişli təhsil alan məcburi köçkünlərlə bağlı qərar qəbul edib

 

Azərbaycan hökuməti ali təhsil müəssisələrində ödənişli təhsil alan məcburi köçkünlərlə bağlı qərar qəbul etmişdir.

Nazirlər Kabinetindən AzərTAc-a bildirmişlər ki, hökumət dövlət ali təhsil müəssisələrində ödənişli əsaslarla təhsil alan məcburi köçkünlərlə onlara təhsil xidmətləri göstərən dövlət ali təhsil müəssisəsi arasında yaranan münasibətlərə dair "Dövlət ali təhsil müəssisəsi ilə ödənişli əsaslarla təhsil alan, "Qaçqınların və məcburi köçkünlərin statusu haqqında" qanuna uyğun olaraq məcburi köçkün statusu olan Azərbaycan Respublikasının vətəndaşı arasında  Nümunəvi  Fərdi  Müqavilə" formasını təsdiq etmişdir.  Qərarla həmin məcburi köçkünlərə təhsil xidmətləri göstərən ali təhsil müəssisəsi ilə Təhsil Nazirliyi arasında yaranan münasibətlərə dair "Təhsil xidmətlərinin dəyərinin dövlət büdcəsinin vəsaiti hesabına ödənilməsi barədə Nümunəvi Çərçivə Müqaviləsi" də təsdiq olunmuşdur.

Təhsil Nazirliyi Qaçqınların və Məcburi Köçkünlərin İşləri üzrə Dövlət Komitəsi, Tələbə Qəbulu üzrə Dövlət Komissiyası və dövlət ali təhsil müəssisələrinin rəhbərləri ilə birlikdə müvafiq tədris ili üçün ayrı-ayrı ixtisaslar üzrə dövlət ali təhsil müəssisələrinin bakalavriat və magistratura səviyyələrinə ödənişli əsaslarla qəbul olunmuş məcburi köçkünlərin adlı siyahısını hər il oktyabrın 1-dək Maliyyə Nazirliyinə təqdim etməlidir.

Məcburi köçkünlərin statusunda və təhsil formasında il ərzində dəyişiklik baş verdikdə, həmin şəxslər barədə müvafiq məlumatların 1 ay müddətində Maliyyə Nazirliyinə təqdim olunması və dövlət büdcəsindən həmin şəxslər üçün ayrılmış vəsaitin istifadə olunmayan hissəsinin büdcəyə qaytarılması adıçəkilən qurumlar tərəfindən təmin olunmalıdır. 

AzərTAc

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov