"Bakı" nəşriyyatının "İnnovativ tədris vəsaitləri" seriyasına daxil olan  "Zoologiya 7-8" vəsaiti Təhsil Nazirliyinin qrifi ilə 2012-ci ilin ilk ayında - yanvarda  çapdan çıxmışdır.

Yaşar Seyidli, Qiyas Quliyev və Xumar Əhmədbəylinin müəllifliyi ilə hazırlanmış "Zoologiya 7-8" vəsaiti Azərbaycan Respublikası Təhsil Nazirliyinin 2011-ci ildə keçirdiyi dərslik müsabiqəsinin qaliblərindəndir.

Vəsaitin əsas xüsusiyyəti onun tədris proqramına tam uyğun olmasıdır. Kitabda müsabiqəyə təqdim olunan struktur saxlanılmış və tədris metodikasının müasir tələbləri  nəzərə alınmışdır.

İlk dəfə tətbiq olunan yeni tərtibat - illüstrativ kompozisiyalar, erqonomik dizayn, sual və tapşırıqlar, terminlərin qısa şərhi, elektron nəşrlərlə işləmək imkanı, laboratoriya işləri və test nümunələri tədris materialının şagird tərəfindən mənimsənilməsinə faydalı yardımçı olacaq.

Müəllif qrupu və nəşriyyatın kollektivi vəsaitin istifadəçilərinə əvvəlcədən minnətdarlığını bildirir, onlardan arzu və təkliflərini nəşriyyatın [email protected]  ünvanına göndərmələrini xahiş edir.

Yeni vəsait - "Zoologiya 7-8" Təhsil Nazirliyinin müasir dövrdə apardığı dərslik siyasətinin  təhsilimizə verdiyi layiqli töhfələrindəndir.