Qax RTŞ-ın metodisti Aybəniz Məmmədovadan aldığımız
məlumatda bildirilir ki, 21 fevral - Beynəlxalq Ana Dili
Gününün qeyd olunması münasibəti ilə rayonun təhsil
şöbəsinin xətti ilə geniş tədbirlər planı hazırlanmışdır.
Həmin plana əsasən rayonun bütün ümumtəhsil
məktəblərində müxtəlif məzmunlu tədbirlər həyata
keçirilib. Şagirdlər ana dilinə məhəbbət, onu sevib
qorumaq, dilin incəliklərinə yiyələnməklə bağlı sinif
divar qəzetləri, bülletenlər hazırlayıblar. Məktəblərdə
isə həmin gün birinci dərslər Ana Dili Gününə həsr
olunub.
Eyni zamanda şəhər 1, 2, 3, 4 və 5 nömrəli tam orta
məktəblərdə "Ana dilim mənim varlığımdır", "Nə şirindir
mənim dilim", "Mənim dilim mənim sərvətimdir", "Dilimizin
saflığını qoruyaq", "Ana dilimizi sevək və sevdirək",
"Ana dilim-mənəviyyatım" mövzularında ədəbi-bədii
kompozisiya, siniflərarası bilik yarışları, şeir, inşa
yazı, mahnı, rəsm müsabiqələri keçirilib. Beynəlxalq Ana
Dili Günü rayonun İlisu, Qaxbaş kənd 2 nömrəli, Cəlayir,
Tasmalı, Şotavar, Qum, Qorağan, Zəyəm, Turaclı kənd tam
orta, Ağçay, Çinarlı, Əmərçay, İbaxlı kənd ümumi orta
məktəblərində də qeyd edilib.
Keçirilən tədbirlərdə rayon təhsil şöbəsinin
nümayəndələri də iştirak ediblər.
ƏDALƏT |