Bakıdakı A.Şaiq adına 54 nömrəli tam orta məktəbin pedaqoji kollektivinin  təşəbbüsü ilə Abdulla Şaiqin  ev-muzeyində ədibin 130 illiyinə həsr olunmuş "Yad et məni" mövzusunda xatirə gecəsi keçirilib. Tədbirdə çıxış edən  ev-muzeyin direktoru Ülkər Talıbzadə  Azərbaycan ədəbiyyatının görkəmli nümayəndəsi Abdulla Şaiqin həyat və yaradıcılığından  ətraflı bəhs edib.

Çıxışlarda vurğulanıb ki, ömrünün 60 ilini  xalqın maariflənməsinə  həsr edən  Abdulla Şaiqin ədəbi yaradıcılığı ictimai fikir tarixində əhəmiyyətli rol oynayıb. Qeyd olunub ki, ədibin irsinin təbliği  böyüməkdə olan gənc nəslin yetişməsində, vətənə məhəbbət ruhunda tərbiyə olunmasında  əvəzsiz bir xəzinədir.

Sonra məktəbin şagirdləri ədibin şeirlərindən nümunələr söyləyib , "Nüşabə" pyesindən, "Tıq-tıq xanım" tamaşasından parçaları və "Güllər" kompozisiyasını nümayiş etdiriblər. 

Sifai SƏFƏROVA