ADU
rektoru, millət vəkili, professor Səməd Seyidov bu ilin
iyun - avqust aylarında Norveçə Yay məktəbinə gedəcək
müəllim və tələbələrlə görüşdü. Görüşdə o, Yay kursları
çərçivəsində reallaşacaq səfəri regionşünaslıq və
beynəlxalq münasibətlər fakültəsinin 10 tələbə və 4
müəlliminin həyatında əhəmiyyətli hadisə kimi
xarakterizə etdi. ADU tələbələrinin üzərinə böyük
məsuliyyət düşdüyünü vurğulayan S.Seyidov onları həm
Azərbaycanı, həm də ADU-nu layiqincə təmsil etməyə
səslədi. Tələbələri ölkəmizin adını uca tutmağa çağıran
rektor S.Seyidov onların münasibət və davranışlarında,
təhsillərində öz mədəniyyətlərini yüksək səviyyədə
göstərməyi tövsiyə etdi. Tələbələrlə fikir mübadiləsi
aparan rektor onların qiymətləri ilə maraqlandı, səmimi
söhbət etdi. Rektor müəllim və tələbələrə uğurlar
arzuladı.
Qeyd edək ki, iyunun 26-dan avqustun 6-dək reallaşacaq
səfər ADU ilə Norveçin Oslo Universiteti arasında
imzalanmış əməkdaşlıq müqaviləsi əsasında həyata
keçirilir.
Xatırladaq ki, ADU-da Skandinaviya mərkəzi 2007-ci ilin
mayından fəaliyyətə başlayıb. Elə həmin ildən də ADU-nun
regionşünaslıq və beynəlxalq münasibətlər fakültəsində
skandinaviyaşünaslıq ixtisası açılıb.
Onu da qeyd edək ki, ADU ilə Oslo Universiteti arasında
olan əməkdaşlıq çərçivəsində keçən il iyun ayının 24-dən
avqustun 5-dək ADU-nun 2 müəllimi və
skandinaviyaşünaslıq ixtisası üzrə təhsil alan 10
tələbəsi Oslo Universitetində Beynəlxalq yay məktəbində
olublar.
ADU-nun Mətbuat xidməti |