Lənkəran Dövlət Universitetində 8 mart - Beynəlxalq Qadınlar gününə həsr edilmiş tədbir keçirilib.

Tədbiri universitetin rektoru, fizika-riyaziyyat elmləri doktoru, əməkdar elm xadimi, professor Asəf İsgəndərov açaraq bayram iştirakçılarını təbrik edib. Rektor bildirmişdir ki, qadınlar universitetin ictimai həyatında fəallıq göstərirlər. Elm və təhsildə çalışanlar arasında tanınmış alim qadınlar vardır.

Çıxış edənlər ürək sözlərini söyləmiş, minnətdarlıqlarını bildirmişlər.

Tədbirin sonunda universitetin ictimai həyatında fəallıq göstərən qadınların bir qrupuna hədiyyələr verilib. 

Hacı Etibar ƏHƏDOV,
Lənkəran Dövlət Universiteti Mətbuat
və informasiya xidmətinin rəhbəri