Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

20 Aprel 2012 - №15

 

NDU-da distant təhsil vasitəsilə informatika fənninin yaz semestri üzrə tədrisinə başlanıldı

 

AMEA İnformasiya Texnologiyaları İnstitutunun alim və mütəxəssislərinin distant təhsil sistemi vasitəsilə Naxçıvan Dövlət Universitetində elmi tədqiqat və təhsil müəssisələrinin doktorant və dissertantları üçün informatika fənninin yaz semestri üzrə tədrisinə start verilmişdir.

Bu münasibətlə təşkil olunmuş mərasimdə çıxış edən NDU-nun rektoru, akademik İsa Həbibbəyli yüksək ixtisaslı kadrların yetişdirilməsində, dünyanın nüfuzlu universitetləri ilə genişmiqyaslı əlaqələrin qurulmasında, bilik və təcrübə mübadiləsinin aparılmasında distant təhsil sisteminin mühüm rolundan bəhs etmişdir. Rektor gənc nəslin innovativ inkişafında böyük önəm kəsb edən və informasiya cəmiyyətinin yeni təhsil modeli olan distant təhsil sisteminin tətbiqinin bu ali təhsil müəssisəsində prioritet məsələlərdən birinə çevrildiyini vurğulamışdır. Qeyd olunmuşdur ki, universitetdə elektron təhsil sisteminin yaradılması, informasiya təminatının təşkil edilməsi məqsədilə elektron kitabxana, İnternet mərkəzləri, CİSKO Akademiyası, Təhsil Qeydiyyat Mərkəzi, İnformasiya texnologiyaları şöbəsi və digər qurumlar  fəaliyyət  göstərir. Artıq bir neçə ildir ki, universitetin bütün tədris korpuslarında, struktur bölmələrində, eləcə də 108 hektarlıq ərazisində "Wi-Fi" kampus İnternet şəbəkə sistemindən istifadə olunduğu, "Elektron Naxçıvan" layihəsinin uğurla həyata keçirildiyi bir daha  iştirakçıların diqqətinə çatdırıldı.

Videobağlantı vasitəsilə mərasimə qoşulmuş Azərbaycan Respublikasının rabitə və informasiya texnologiyaları naziri Əli Abbasov, AMEA-nın prezidenti, akademik Mahmud Kərimov, AMEA İnformasiya Texnologiyaları İnstitutunun direktoru, AMEA-nın müxbir üzvü Rasim Əliquliyev və digər mütəxəssislər "Elektron Azərbaycan" Dövlət Proqramı çərçivəsində görülən tədbirlərdən, əldə olunan nailiyyətlərdən söhbət açmışlar. Qeyd olunmuşdur ki, distant təhsilin təşkil olunması ali təhsil müəssisələri arasında virtual əlaqələrin genişlənməsinə böyük təkan verməkdədir.

Beləliklə, informatika fənninin yaz semestri üçün distant təhsilinə AMEA-nın İnformasiya Texnologiyaları İnstitutunun elmi işçisi, texnika elmləri doktoru Ramiz Alıquliyevin "Elmmetriya: mövcud vəziyyəti, imkanları və inkişaf perspektivləri" mövzusunda mühazirəsilə başlanılmışdır. Mühazirəçi elmmetriya anlayışına aydınlıq gətirmiş, Azərbaycanda bu sahədə mövcud reallıqlardan bəhs etmişdir.

Qeyd edək ki, dinləyicilər arasında doktorant və dissertantlarla yanaşı, informatika ilə maraqlanan magistr və tələbələr də iştirak edirdilər. 

Çinarə MƏMMƏDOVA,
NDU-nun Media mərkəzinin əməkdaşı

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov