Türkiyə
Prezidenti Abdullah Gül Milli Suverenlik və Uşaq Bayramı
münasibətilə dünyanın müxtəlif ölkələrindən, o cümlədən
Azərbaycandan gəlmiş uşaqlarla görüşmüşdür.
Bayram şənliklərinin təşkilatçısı TRT televiziyasının
baş direktoru İbrahim Şahin və uşaqları Çankaya köşkündə
qəbul edən Türkiyənin dövlət başçısı azərbaycanlı
uşaqlara da hədiyyə təqdim etmiş, onlarla xatirə şəkli
çəkdirmişdir.
Uşaqların Türkiyəyə gəlişindən sevindiyini söyləyən
Abdullah Gül demişdir ki, bu bayram şənlikləri otuz dörd
ildir keçirilir və dünyanın müxtəlif ölkələrindən
uşaqlar türkiyəli yaşıdları ilə birlikdə şənlənirlər.
Dünya müharibələr və münaqişələrdən təmizlənməli, indiki
uşaqlar da böyüdükdə bir-birinə dost və qardaş
olmalıdırlar.
Azərbaycanlı uşaqlar da Türkiyə Prezidentinə rəsm əsəri
və başqa hədiyyələr təqdim etmişlər.
AzərTAc |