Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

27 Aprel 2012 - №16

 

"Ana dilimiz müstəqil Azərbaycanın, Azərbaycan xalqının ən böyük milli sərvətidir"

 

Aprelin 24-də Azərbaycan Dövlət Akademik Milli Dram Teatrında Bakı Şəhəri üzrə Təhsil İdarəsinin elan etdiyi "Azərbaycan dili və ədəbiyyat aylığı"nın yekununa həsr edilmiş "Ana dilimiz müstəqil Azərbaycanın, Azərbaycan xalqının ən böyük milli sərvətidir" mövzusunda tədbir keçirildi.

Azərbaycan Respublikasının Dövlət himni səsləndirildikdən sonra çıxış üçün söz Bakı Şəhəri üzrə Təhsil İdarəsinin müdiri Nailə Rzaquliyevaya verildi.

İştirakçıları ana dilimizə, ədəbiyyatımıza və təhsilimizə həsr olunan tədbirdə görməsindən məmnunluq hissi keçirdiyini bildirən Nailə xanım Bakı Şəhəri üzrə Təhsil İdarəsinin fəaliyyət planına əsasən ümumtəhsil məktəblərində mütəmadi olaraq fənn aylıqlarının təşkil olunduğunu söylədi, keçirilmiş növbəti  "Azərbaycan dili və ədəbiyyat aylığı" haqqında geniş məlumat verdi. Qeyd olundu ki, bu aylığın keçirilməsində əsas məqsəd  dilimizin, ədəbiyyatımızın daha geniş təbliği, sevilməsi və sevdirilməsi ilə yanaşı, fənn müəllimlərinin, şagirdlərin yaradıcılıq fəaliyyətlərinin üzə çıxarılması olmuşdur. Aylıq çərçivəsində 4 nominasiya üzrə 3 mərhələdən ibarət müsabiqənin keçirildiyini deyən Nailə Rzaquliyeva burada iştirak edən müəllim və şagirdlərin öz yaradıcılıq potensiallarını nümayiş etdirmək imkanı qazandıqlarını söylədi. Bildirildi ki, ay ərzində ümumtəhsil müəssisələrində Azərbaycan dili və ədəbiyyat fənləri üzrə 2200 "açıq dərs" dinlənilmiş, müəllim və şagirdlərin 700 yaradıcı işi işçi qruplarına təqdim edilmişdir. Bundan başqa, dilimizə və ədəbiyyatımıza həsr edilən sinifdənxaric tədbirlər, yaradıcılıq gecələri, tanınmış şair və yazıçılarımızla görüşlər təşkil olunmuşdur.

Aylıq çərçivəsində keçirilən müsabiqənin şəhər mərhələsinə vəsiqə qazanan 200-dən artıq işin hər biri ekspertlər və Təşkilat Komitəsinin üzvlərinin, eləcə də işləri müsabiqənin yekun mərhələsinə təqdim olunmuş müəllim və şagirdlərin iştirakı ilə bir daha ətraflı araşdırılaraq müzakirə edilmişdir. Bu zaman aydın olmuşdur ki, ümumtəhsil  müəssisələri "Azərbaycan dili və ədəbiyyat aylığı"na yüksək səviyyədə hazırlaşmaqla yanaşı, onun bilik, bacarıq və yaradıcılıq yarışına, qazanılmış təcrübənin öyrənilməsi və mübadiləsi məktəbinə çevrilməsində kifayət qədər əhəmiyyətli işlər görmüşdür. Aylığın müvəffəqiyyətlə başa çatdırılması, təqdim olunmuş ən yaxşı dərs nümunələrinin təhlili, yaradıcı işlərin qiymətləndirilməsi sahəsində ekspertlərin və işçi qruplarının fəaliyyətindən razılıq hissi ilə danışan  Nailə xanım "Azərbaycan dili və ədəbiyyat aylığı"nın yüksək səviyyədə keçirilməsində zəhməti olan Təşkilat Komitəsinin hər bir üzvünə təşəkkürünü bildirərək qaliblərə ən xoş arzularını  çatdırdı.

Çıxışının sonunda Nailə Rzaquliyeva ulu öndər Heydər Əliyevin milli sərvətimiz olan dilimizin qorunmasına, onun təbliğ olunmasına hər zaman xüsusi diqqət və qayğı ilə yanaşdığını deyərək  dahi şəxsiyyətin bununla  bağlı fikirlərini bir daha  tədbir iştirakçılarına xatırlatdı: "Hər bir xalqın milliliyini, mənəvi dəyərlərini, mədəniyyətini yaşadan, inkişaf etdirən onun dilidir. Dilimizi isə yaşadan, zənginləşdirən, inkişaf etdirənlər şairlərimiz, yazıçılarımız olmuşdur. Biz, adətən böyük tariximiz haqqında, xalqımızın böyük mədəniyyəti haqqında danışarkən, birinci növbədə, onların yaratdıqları bədii əsərlərə, şairlərimizin, yazıçılarımızın əsərlərinə istinad edir, bunları nümunə gətirir və təbliğ edərək, eyni zamanda öz tariximizi, mədəniyyətimizi təbliğ edirik".

Sonra tədbir iştirakçıları  Azərbaycanın tarixi, mədəniyyəti və incəsənətindən bəhs olunan sənədli filmə tamaşa etdilər. Aylıq çərçivəsində 4 nominasiya- "Müəllimlərin ən yaxşı yaradıcı işləri", "Ən yaxşı Azərbaycan dili və ədəbiyyat kabineti", "Ən yaxşı "açıq dərs", "Şagirdlərin ən yaxşı yaradıcı işləri" üzrə keçirilmiş  müsabiqənin qalib müəllim və şagirdlərinə diplom və hədiyyələr təqdim olundu.

Çıxış üçün söz alan Bakıdakı 239 nömrəli tam orta məktəbin müəllimi Cəmilə Əzizova, 18 nömrəli tam orta məktəbin müəllimi Aidə Soltanova, 189 nömrəli tam orta məktəbin şagirdi Firdus Kərimzadə istedad və bacarıqlarının üzə çıxarılmasında belə müsabiqələrin əhəmiyyətindən danışdılar, onlara göstərilən yüksək etimada görə Azərbaycan Respublikası Təhsil Nazirliyinə, Bakı Şəhəri üzrə Təhsil İdarəsinə öz minnətdarlıqlarını bildirdilər.

Tədbir  şagirdlərin hazırladıqları ədəbi- bədii kompozisiya ilə  davam etdirildi. Şagirdlərin ifasında milli rəqslər, xalqımızın müxtəlif əsrlərdə yaşamış tarixi şəxsiyyətlərinin, ana dilimizin qorunub saxlanmasında, dilimizin zənginləşməsində xüsusi əməyi olan məşhur alim və filosofların, şairlərimizin, yazıçılarımızın qiymətli fikirlərindən, yazdıqları əsərlərdən seçilmiş nümunələr və həmçinin ekranda bununla bağlı hazırlanmış görüntülərlə müşayiət olunan musiqili-bədii  kompozisiya  tədbir iştirakçıları tərəfindən böyük maraqla qarşılandı. 

Samirə KƏRİMOVA

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov