Şirvan şəhər 9 nömrəli tam orta məktəbdə dayaq məntəqələrinə həsr olunmuş "dəyirmi masa" keçirilib. Tədbiri Şirvan Şəhər Təhsil Şöbəsinin müdiri Elçin Həsənov açaraq dayaq məntəqələri barədə məlumat verib. Qeyd edib ki, Şirvan ŞTŞ-ı üzrə ayrı-ayrı fənləri əhatə edən 25 dayaq məntəqəsi fəaliyyət göstərir. Dayaq məntəqələri şəhərin baza tədris müəssisələrində yaradılıb.

"Dəyirmi masa"da çıxış edən AMİ-nin Salyan filialının "Müasir təlim metodları və dayaq məntəqələri ilə iş" kabinetinin müdiri Sahib Həsənov  dayaq məntəqələrinin fəaliyyətinin pedaqoji və metodiki istiqamətlərindən danışıb.

Tədbirdə daha sonra 9 nömrəli tam orta məktəbin ibtidai sinif müəllimi, dayaq məntəqə sədri Lətifə Hüseynova,   11 nömrəli tam orta məktəbin Azərbaycan dili və ədəbiyyat müəllimi, dayaq məntəqə  sədri Vəkil Quliyev, 9 nömrəli tam orta məktəbin direktoru, əməkdar müəllim Əlizadə Hüseynov və başqaları çıxış edərək yeni təlim metodlarının əhəmiyyətindən, müəllimlərin təkmilləşdirilməsində dayaq məntəqələrinin rolundan, ixtisasartırma təhsilinə cəlb edilən müəllimlərə kurikulum barədə bilgilərin verilməsinin vacibliyindən, habelə problem və qarşıya çıxan müəyyən çətinliklərdən bəhs ediblər.

ƏDALƏT