Aprelin 28-də Bakının Nərimanov rayonundakı A.Mustafayev adına  202 nömrəli  tam orta məktəbdə  şairə Məhəbbət İbrahimova ilə  görüş keçirildi.

Məktəbin direktoru Qasım Qasımov  M.İbrahimova ilə  görüşün pedaqoji kollektiv və şagirdlər üçün əhəmiyyətindən danışaraq belə tədbirlərin təhsil ocağında tez-tez keçirildiyini dedi.

Gecənin aparıcıları qonağın həyatı və yaradıcılığı  barədə  görüş iştirakçılarına məlumat verdilər.

Çıxış edənlər  qeyd etdilər ki, böyüməkdə olan gənc nəslin dünyagörüşünün genişlənməsində, tarixinə bağlı bir  vətəndaş, şəxsiyyət  kimi formalaşmasında ziyalılarla keçirilən görüşlərin əhəmiyyəti böyükdür.

Məktəbin şagirdləri  Rəqsanə Qurbanova, Aysel Abdullayeva, Züleyxa İsmayılova, Sevda Mahmudova, Əminə Balaqardaşova, Minayə İsgəndərova, Ayxan Məhərrəmov, Elariz Mirzəyev, Solmaz Abdullayeva, İlgün Nafilə  Məhəbbət İbrahimovanın şeirlərindən və irihəcmli əsərlərindən parçalar söylədilər. 

Tədbirin sonunda söz  Məhəbbət  İbrahimovaya verildi. O, şagirdlərə elmlərin əsaslarına dərindən yiyələnməyi tövsiyə etdi.

Məktəb kollektivi qonaqla xatirə şəkli çəkdirdi.  

Rəşad RAMAZANOĞLU