Bakıdakı  308 nömrəli  tam orta məktəbdə    ibtidai sinif müəllimi  Səbirə Zeynalovanın IV "a" sinfində  həyat bilgisi fənnindən "Vergilərin əhəmiyyəti" mövzusunda "açıq dərs"i keçirildi. Müzakirələrdə   məktəbin direktoru Təranə Məmmədova,  Bakı Şəhəri üzrə Təhsil İdarəsi Metodmərkəzinin direktor müavini  Sitarə Məmmədova, Bakı Şəhər Vergilər Departamentinin şöbə müdiri  Məhərrəm Əmiraslanov  və  ixtisas müəllimləri dərsin metodiki baxımdan Milli Kurikulumun tələb etdiyi standartlar əsasında yüksək səviyyədə keçdiyini, şagirdlərin yaxşı bilik nümayiş etdirdiklərini qeyd etdilər. Müəllim   dərs prosesində şagirdlərin  fəallığını təmin etdi və keçdiyi mövzuya  dair əyani vəsaitlərdən bacarıqla istifadə etməklə fənlərarası inteqrasiya yaratdı. Şagirdlərdən Qismət  Səlimov, Dərya Əliyeva, Mirvari Hacızadə  və başqaları  dərsdə daha  fəal iştirak etdilər.

Sonda Bakı Şəhər Vergilər Departamenti adından   şagirdlərə  hədiyyələr  təqdim olundu.    

Şakir CƏFƏROV