Bakının Binəqədi rayonundakı 157 nömrəli tam orta
məktəbdə "Narkomaniyaya yox deyirik!" mövzusunda tədbir
keçirilib. Əvvəlcə məktəbin foyesində mövzuya uyğun
olaraq şagirdlərin hazırladıqları divar qəzetləri, rəsm
əsərləri və fotoguşələr sərgilənib.
Şagirdlərin ifasında Dövlət himninin səslənməsi ilə
başlanan tədbiri məktəbin direktoru Gülayə Səttarova
açaraq "ağ ölüm"ün törətdiyi bəlalardan danışıb.
Şagirdlərin ziyanlı vərdişlərdən uzaq qalmaları məqsədi
ilə onlarla vaxtaşırı olaraq söhbətlərin aparıldığını,
görüşlərin keçirildiyini vurğulayıb.
Şagirdlər narkotik vasitələrdən istifadə edən insanların
sonrakı acı taleyindən bəhs edən müxtəlif səhnəciklər
nümayiş etdiriblər.
Çıxış edənlər narkotik vasitələrdən istifadə nəticəsində
yaranan xəstəliklər barədə geniş məlumat veriblər.
Gəncləri belə vərdişlərdən həmişə uzaq durmağa
səsləyiblər.
Tədbirin sonunda narkomaniyanın ziyanı və fəsadları
barədə videoçarx nümayiş etdirilib.
Rəşad ZİYADOV |