1. Azərbaycan dili və ədəbiyyat;

2. Riyaziyyat və informatika;

3. Psixologiya;

4. Məktəbəqədər təlim və tərbiyə.

Yenidənhazırlanma təhsili müəssisə, təşkilat, idarə və ayrı-ayrı vətəndaşlarla Azərbaycan Dövlət Pedaqoji Universiteti arasında bağlanmış fərdi müqavilələr əsasında həyata keçirilir. Əvvəlki ali təhsili və ya hazırda işlədiyi vəzifəsi seçdiyi ixtisasa uyğun gələn dövlət və özəl ali təhsil müəssisəsinin məzunları "Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi Qaydası"na uyğun olaraq müsabiqədə iştirak edə bilərlər.

Yenidənhazırlanma təhsili almaq istəyənlər aşağıdakı sənədləri təqdim etməlidirlər: 

- rektorun adına ərizə;

- ali təhsil haqqında sənədin, diplomun surəti (notarial qaydada təsdiq olunmuş);

- əmək kitabçasının surəti;

- 3x4 sm ölçüdə 6 ədəd rəngli fotoşəkil;

- Şəxsiyyət vəsiqəsinin surəti;

- Təhsil haqqını ödəmək haqqında öhdəlik müqaviləsi. 

Sənədlər 2012-ci il avqust ayının 20-dən (istirahət günlərindən başqa) saat 10:00-dan 17:00-dək ADPU-nun III tədris binasında (otaq 123) qəbul edilir.

Yenidənhazırlanma təhsili almaq üçün universitetə  sənəd vermiş şəxslərlə müsahibə aparılır. Müsahibədən uğurla keçənlər yenidənhazırlanma təhsilinə qəbul edilirlər.

Xaricdə təhsil almış şəxslər yenidənhazırlanma təhsili almaq üçün Azərbaycan Respublikası Təhsil Nazirliyində müvafiq proseduru keçməklə şəhadətnamə almalıdırlar. Təhsil ödənişlidir. 

Ünvan: Bakı şəhəri, S.Rüstəm küçəsi, 23.

Telefon:  (+99412) 440-51-49 

REKTORLUQ