Bakının Səbail rayonunda yerləşən  2 nömrəli  Uşaq-Gənclər Şahmat İdman Məktəbinin (UGŞİM) direktoru Elvin   Hüseynovdan aldığımız məlumatda bildirilir ki, paytaxtımızda  28 May- Respublika Gününə həsr olunmuş şahmat üzrə  Federasiya Kuboku uğrunda  komanda birinciliyi keçirilib. Dairəvi sistemlə respublika şahmat klubunda keçirilən yarışda   şəhərin ən güclü 4 şahmat məktəbinin - 1 nömrəli  İOEUGŞDİM, 2 nömrəli UGŞİM, RŞM və AHİTA-nın  komandaları iştirak edib. Müxtəlif yaş qrupları üzrə keçirilən  turnirdə  2 nömrəli UGŞİM 19,5  xal qazanaraq Federasiya Kubokuna  layiq görülüb. Turnirin  qalibləri kubok, medal və diplomlarla  mükafatlandırılıblar.  

Sifai SƏFƏROVA